Körfubolti

Hóf sitt 25.tímabil í sigri á Íslandsmeisturunum

Arnar Geir Halldórsson skrifar
Magnaður leikmaður
Magnaður leikmaður VÍSIR/VILHELM

Subway deildin í körfubolta hófst fyrir helgi og goðsögnin Logi Gunnarsson var á sínum stað í liði Njarðvíkur.

Kjartan Atli Kjartansson og félagar í Körfuboltakvöldi gerðu Loga að umræðuefni í þætti sínum en Logi var þarna að hefja sitt 25.tímabil í meistaraflokki. Hreint magnaður áfangi.

Logi skoraði tólf stig fyrir Njarðvík sem skellti ríkjandi Íslandsmeisturum Þórs frá Þorlákshöfn í fyrstu umferð mótsins.

Logi varð fertugur fyrir rúmum mánuði síðan og hefur verið einn besti körfuboltamaður landsins undanfarna áratugi.

Hann hóf feril sinn í efstu deild hér á landi árið 1997 en hélt fljótlega af landi brott og lék sem atvinnumaður víða um Evrópu um árabil áður en hann kom aftur heim til Njarðvíkur árið 2013.

Klippa: Körfuboltakvöld - 25.tímabil Loga Gunnars

Tengdar fréttir




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.