Viðskipti innlent

Far­þegar gætu orðið fleiri árið 2024 en fyrir far­aldur

Eiður Þór Árnason skrifar
Farþegum hefur fjölgað í Leifsstöð.
Farþegum hefur fjölgað í Leifsstöð. Vísir/vilhelm

Fleiri farþegar gætu farið um Keflavíkurflugvöll árið 2024 en 2019 ef bjartsýnasta spá Isavia gengur eftir. Samkvæmt henni verða þeir tæplega 7,9 milljónir talsins sem er meira en mældist árið fyrir heimsfaraldurinn.

Yrði það þriðji mesti farþegafjöldi sem farið hefur um flugvöllinn á einu ári en farþegar voru fleiri árin 2017 og 2018.

Þetta kemur fram í nýrri samantekt Isavia um mögulegan fjölda farþega næstu þrjú árin. Að sögn félagsins er ekki um eiginlega farþegaspá að ræða líkt og þær sem gefnar voru út árlega áður en faraldurinn skall á. Sú nýjasta kom út í lok árs 2019.

„Síðan þá hefur fullkomin óvissa verið í flugheiminum vegna Covid og ómögulegt að spá nokkru um þróun mála,“ segir í tilkynningu frá félaginu.

Lítið megi út af bregða

Rúmlega 7 milljónir farþegar fóru um völlinn árið 2019 en í fyrra voru þeir aðeins 1,3 milljónir. Sviðsmyndir Isavia gera ráð fyrir að þeir verði um 2,2 milljónir í ár, á bilinu 4-5 milljónir á næsta ári, 4-6 milljónir 2023 og síðan á bilinu 5,5 til 7,9 árið 2024.

„Rétt er þó að hafa í huga að lítið má í raun út af bregða til að þessar spár rætist ekki,“ segir Guðmundur Daði Rúnarsson, framkvæmdastjóri viðskipta og þróunar hjá Isavia.

Samanburður á spám Isavia.Isavia

„Endurheimt flugfarþega um Keflavíkurflugvöll þarf að vera hraðari en í sumar og haust. Harðar og síbreytilegar sóttvarnaraðgerðir á landamærunum fæla erlend flugfélög frá landinu. Þessi þróun er mikið áhyggjuefni. Flugtengingar tapast eða þeim fjölgar a.m.k. ekki en þessar tengingar eru mikilvæg forsenda lífsgæða á Íslandi,“ segir hann í tilkynningu.

Guðmundur bætir við að sumarið hafi gengið vel á Keflavíkurflugvelli og endurheimtin betri en á samkeppnisflugvöllum annars staðar í heiminum. Keflavíkurflugvöllur hafi í ár endurheimt 79% þeirra áfangastaða sem voru í boði árið 2019 samanborið við 72% í Kaupmannahöfn, 71% í Ósló, 67% í Stokkhólmi og 59% í Helsinki.





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
EIK
4,92
21
250.264
REGINN
4,86
12
96.042
SVN
3,97
29
126.992
REITIR
3,8
21
353.860
BRIM
2,76
12
138.917

Mesta lækkun dagsins


Félag
Br.%
Fjöldi
Velta*
ORIGO
-1,6
16
77.555
MAREL
-0,67
39
296.789
ICESEA
-0,61
6
6.846
ARION
0
35
351.008
SYN
0
7
105.089
Velkomin á Vísi. Þessi vefur notar vafrakökur. Sjá nánar.