Innlent

Dæmd fyrir að hrækja í and­lit lög­­reglu­­manns

Atli Ísleifsson skrifar
Atvikið átti sér stað á horni Eyrargötu og Hjallavegar á Eyrarbakka.
Atvikið átti sér stað á horni Eyrargötu og Hjallavegar á Eyrarbakka. Vísir/Vilhelm

Héraðsdómur Suðurlands hefur dæmt konu í þrjátíu daga fangelsi fyrir að hafa hrækt á lögreglumann sem var við skyldustörf í júlí 2020.

Konan var ákærð fyrir brot gegn valdstjórninni með því að hafa að kvöldi 22. júlí 2020 hrækt á lögreglumann í lögreglubíl sem lagt var á gatnamótum Eyrargötu og Hjallavegar á Eyrarbakka. Hrákinn lenti á vinstri handlegg og í andliti lögreglumannsins.

Í dómnum segir að konan hafi ekki mætt við þingfestingu, en sannað þótti að konan hafi gerst sek um þá háttsemi sem rakin var í ákæru.

Konan hefur sjö sinnum áður sætt refsingu, meðal annars fyrir húsbrot, fjársvik og brot gegn valdstjórninni.

Að virtum sakaferli konunnar þótti ekki efni til að skilorðsbinda refsinguna.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.