Körfubolti

Elvar Már átti frá­bæran leik en það dugði ekki til

Runólfur Trausti Þórhallsson skrifar
Elvar Már átti góðan leik í kvöld. Það dugði því miður ekki til.
Elvar Már átti góðan leik í kvöld. Það dugði því miður ekki til. Vísir/Bára Dröfn

Antwerp Giants tapaði með fimm stiga mun fyrir Mechelen í belgísku úrvalsdeildinni í körfubolta í kvöld, lokatölur 90-85. Elvar Már Friðriksson átti góðan leik í liði Antwerp.

Leikurinn var mjög jafn en góður varnarleikur Mechelen í öðrum leikhluta lagði grunninn að sigrinum. Elvar Már og félagar naga sig eflaust í handarbökin að hafa ekki spilað betri sóknarleik undir lok fyrri hálfleiks en liðið skoraði 31 stig í fyrsta leikhluta.

Lokatölur 90-85 og fyrsta tap Antwerp í deildinni því staðreynd. Liðið hefur unnið tvo leiki og tapað einum í upphafi tímabils.

Elvar Már skoraði 16 stig í kvöld, gaf sex stoðsendingar ásamt því að taka tvær stoðsendingar. Jean-Marc Mwema var eini leikmaður Antwerp sem skoraði fleiri stig eða 17 talsins.

Bandaríkjamaðurinn Nathanial Grimes í liði Mechelen stal hins vegar senunni, sá skoraði 29 stig og tók 22 fráköst.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.