Ásmundur inni í fyrstu tölum: „Takk Reykjavík“

Óttar Kolbeinsson Proppé skrifar 26. september 2021 00:18

Ásmundur Einar Daðason, oddviti Framsóknarflokksins í Reykjavík norður. vísir/vilhelm

Ásmundur Einar Daðason, félags- og barnamálaráðherra og oddviti Framsóknarflokksins í Reykjavíkurkjördæmi norður, nær inn á þing miðað við fyrstu tölur úr kjördæminu.

Hann segist vera snortinn yfir þessu:

„Það er frábært að hafa fundið þessa jákvæðni,“ segir hann í samtali við fréttamann.

Ásmundur tók áhættu með að færa sig um kjördæmi og fara yfir í Reykjavíkurkjördæmi norður en Framsókn hefur ekki náð manni inn á þing í því kjördæmi síðan árið 2013.

„Ég segi bara takk Reykjavík. Við munum gera allt sem við getum til að standa undir þessu trausti.“

Framsókn er með 12,7 prósent talinna atkvæða í kjördæminu en talinn atkvæði eru 19.473. Í kjördæminu eru 45.368 á kjörskrá.

Alþingiskosningar 2021 Framsóknarflokkurinn Reykjavíkurkjördæmi norður

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.