Sóknarleikur Zaragoza var ekki upp á marga fiska í kvöld og liðið átti í stökustu vandræðum með að koma boltanum í körfuna. Staðan eftir fyrsta leikhluta var 19-14, Burgos í vil.

Tryggvi og félagar skoruðu aðeins tíu stig í öðrum leikhluta gegn 16 stigum Burgos og því var staðan orðin 35-24 þegar flautað var til hálfleiks.

Þriðji leikhluti var svo örlítið jafnari en hinir tveir. Þegar komið var að lokaleikhlutanum var munurinn orðinn 12 stig ogbrekkan orðin brött fyrir Tryggva og félaga, sérstaklega í ljósi þess að þeir höfðu aðeins skorað 13 stig að meðaltali í hverjum leikhluta hingað til.

Ekki gekk það heldur hjá Tryggva og félögum í lokaleikhlutanum. Burgos vann leikhlutann með níu stigum, og lokatölur því 75-54.