Fótbolti

Höskuldur um baráttuna um Kópavog: Vonandi troðfyllist stúkan eins og má

Sigurður Orri Kristjánsson skrifar
Leifur Andri Leifsson og Höskuldur Gunnlaugsson
Leifur Andri Leifsson og Höskuldur Gunnlaugsson Stöð 2

Leifur Andri Leifsson, fyrirliði HK og Höskuldur Gunnlaugsson fyrirliði Breiðabliks voru teknir tali fyrir leikinn mikilvæga á morgun. Þar getur ýmislegt ráðist bæði á toppi deildarinnar sem og á botninum.

Það er gríðarlega mikið undir í kópavogsslag Breiðabliks og HK sem fer fram á Kópavogsvelli í dag í lokaumferð Pepsi Max deildar karla. Breiðablik þarf að vinna leikinn til þess að eiga möguleika á íslandsmeistaratitlinum en HK þarf nauðsynlega á sigri að halda til þess að tryggja veru sína í deild þeirra bestu.

Fréttamaður Stöðvar 2 tók fyrirliðana tali og spurði þá hvort þessi leikur væri öðruvísi en aðrir. Bæði vegna mikilvægisins og svo auðvitað vegna þess að þetta er nágrannaslagur. Aðspurður sagði Leifur að svo væri.

Maður er náttúrulega búinn að horfa á þennan leik lengi og búinn að ímynda sér að það væri eitthvað undir en þetta er kannski aðeins meira en maður bjóst við. Að þeir eigi séns á titili og við séum í aðeins meiri baráttu þarna niðri. Maður sér eiginlega fram á að þurfa einfaldlega að vinna þennan leik og það er hugarfarið sem við mætum með“, sagði Leifur.

Höskuldur, fyrirliði Breiðabliks, tók undir með Leifi og vonaðist eftir góðri mætingu.

Þetta verður blóðugur bardagi, ég býst ekki við neinu öðru. Það er alltaf þannig í þessum rimmum. Sem er bara geggjað. Vonandi troðfyllist stúkan eins og má. Þetta hafa á síðustu tímabilum verið ótrúlegir leikir og þetta er eins og þú segir, ákveðin derby slagur. Þá fara allir upp á næsta level, bæði stuðningsmenn og leikmenn þannig að ég býst bara við hörku, hörku leik“, sagði Höskuldur.

Klippa: Höskuldur og Leifur um mikilvægi leiks Breiðablik og HK



Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.