26 greindust með kórónuveiruna innanlands í gær

Atli Ísleifsson skrifar 15. september 2021 10:48

Frá sýnatökustað Heilsugæslu höfuðborgarsvæðisins við Suðurlandsbraut í Reykjavík. Vísir/Vilhelm

Alls greindust 26 með kórónuveiruna innanlands í gær. Átján þeirra sem greindust innanlands í gær voru í sóttkví við greiningu, eða 69 prósent. Átta voru utan sóttkvíar, eða 31 prósent.

Þetta kemur fram í uppfærðum tölum á vefnum covid.is.

Alls eru nú 336 í einangrun, en voru 363 í gær. 773 eru nú í sóttkví, en voru 839 í gær. 377 eru nú í skimunarsóttkví.

Sex eru nú á sjúkrahúsi vegna Covid-19, sami fjöldi og í gær. Tveir eru á gjörgæslu, líkt og í gær. Á vef Landspítala kemur fram að þeir tveir sem eru á gjörgæslu séu báðir í öndunarvél. Meðalaldur innlagðra er 59 ár.

Þrettán þeirra sem greindust innanlands í gær eru fullbólusettir og þrettán eru óbólusettir.

Þrír greindust á landamærum í gær – tveir með virkt smit í fyrri landamæraskimun og mældist einn með mótefni.

Nýgengi á smiti innanlands, þ.e. fjöldi smitaðra á hverja 100 þúsund íbúa undanfarnar tvær vikur, er nú 124,1, en var 135,3 í gær. Nýgengi á smiti á landamærum er nú 7,4, en var 6,3 í gær.

Alls hafa 11.338 manns greinst með kórónuveiruna hér á landi frá því faraldurinn hófst í lok febrúar á síðasta ári. Þá hafa 33 andlát verið rakin til Covid-19 hér á landi frá upphafi faraldursins.

Tekin voru 1196 einkennasýni í gær, 921 sýni á landsmærum og þá greindust 509 í svokallaðri sóttkvíar- og handahófsskimun.

Faraldur kórónuveiru (COVID-19)

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.