Íslandsmeistarar KA/Þórs heimsóttu Stjörnuna í Garðabæinn. Eftir að heimakonur höfðu byrjað betur tóku norðankonur við sér og unnu að lokum fimm marka sigur, 28-23.
Valskonur heimsóttu ÍBV til Vestmannaeyja og fóru með fjögurra marka forskot í hálfleikinn, 15-11. Eyjakonur náðu að minnka muninn í eitt mark í upphafi seinni hálfleiks, en þá sigldu Valskonur aftur framúr og unnu að lokum 24-21.
Haukar fengu bikarmeistara Fram í heimsókn þar sem að þær síðarnefndu leiddu með sex mörkum í hálfleik. Þær héldu Haukum í hæfilegri fjarlægð og unnu að lokum 29-25.
Þá mættust einnig 1.deildarliðin Víkingur og FH þar sem að FH-ingar reyndust mun sterkari aðilinn og unnu að lokum öruggan átta marka sigur, 25-17.
