Miklar verðhækkanir hlutabréfa skiluðu Stoðum nærri 13 milljarða hagnaði Hörður Ægisson skrifar 14. september 2021 12:39 Hlutabréfaeign Stoða í Arion, sem jafngildir tæplega fimm prósenta hlut í bankanum, hækkaði í virði um liðlega fimm milljarða króna á fyrri árshelmingi þessa árs. Vísir/eyþór Stoðir, umsvifamesta fjárfestingafélagið á íslenskum hlutabréfamarkaði um þessar mundir, hagnaðist um rúmlega 12,6 milljarða króna á fyrri árshelmingi þessa árs. Hagnaður Stoða, sem er nánast alfarið í eigu einkafjárfesta og verðbréfasjóða, er drifin áfram af miklum verðhækkunum á hlutabréfaeign félagsins. Stoðir eru stærsti hluthafi Símans og Kviku auk þess að vera á meðal leiðandi fjárfesta í hluthafahópi Arion banka og flugfélagsins Play sem var skráð á markað í byrjun júlí. Eigið fé fjárfestingafélagsins, sem er skuldlaust, stóð í 43 milljörðum króna um mitt þetta ár og hefur það hækkað um meira en 18 milljarða á aðeins einu ári. Á sama tímabili fyrir ári, þegar óvissa vegna kórónuverufaraldursins skók innlenda og erlenda hlutabréfamarkaði, var afkoma Stoða neikvæð um tæplega 480 milljónir króna. Þegar líða tók seinni hluta ársins varð hins vegar mikill viðsnúningur á fjármálamörkuðum og hagnaður Stoðir yfir allt árið 2020 nam samtals um 7,6 milljörðum króna. Fjárfestingaeignir Stoða, sem samanstanda einkum af verðbréfaeign í skráðum innlendum félögum, voru bókfærðar á 39,2 milljarða í lok júní á þessu ári og þá nam handbært fé félagsins um 3,5 milljörðum. Keyptu eigin bréf fyrir 1,4 milljarða Hlutabréfaeign Stoða í Arion banka, sem nemur tæplega fimm prósentum og er í dag metin á liðlega 13,5 milljarða króna, hækkaði um 63 prósent á fyrstu sex mánuðum þessa árs. Miklar hækkanir voru einnig á gengi bréfa félagsins í Símanum, sem fór upp um 38 prósent á tímabilinu, á meðan hlutabréfaverð Kviku banka hækkaði um 35 prósent. Til samanburðar hækkaði Úrvalsvísitala Kauphallarinnar á sama tíma um 23 prósent. Í lok síðasta mánaðar keyptu Stoðir allan 6,2 prósenta hlut Helga Magnússonar, aðaleigenda útgáfufélags Fréttablaðsins, í Bláa lóninu og nam kaupverðið vel á fjórða milljarð króna. Jón Sigurðsson, forstjóri og stjórnarmaður Stoða. Fram kemur í skýrslu stjórnar Stoða í nýbirtum ársreikningi að félagið hafi á árinu keypt eigin bréf upp á 491 milljón hluta að nafnvirði, fyrir samtals 1.430 milljónir króna, og nam hlutur Stoða í sjálfu sér 9,77 prósent um mitt þetta ár. TM seldu allt í Stoðum Í maí síðastliðnum seldi tryggingafélagið TM, dótturfélag Kviku banka, allan 12 prósenta hlut sinn í Stoðum fyrir um 4,5 milljarða króna. Félag í eigu fjárfestanna Magnúsar Ármanns og Þorsteins M. Jónssonar, M&M Capital, var stærsti einstaki kaupandinn að bréfum TM og keypti samanlagt tæplega 2,8 prósenta hlut fyrir um milljarð króna. Þá keypti félagið Arcus Invest, sem er í eigu Þorvaldar H. Gissurarsonar, forstjóra og eigenda ÞG Verks, fyrir rúmlega 600 milljónir króna í Stoðum og fer í dag með 1,77 prósenta hlut sem gerir félagið að áttunda stærsta hluthafanum. Langsamlega stærsti eigandi Stoða er eignarhaldsfélagið S121 með 56 prósenta hlut. Þeir sem standa að því félagi eru meðal annars Jón Sigurðsson, forstjóri Stoða og stjórnarformaður Símans, Einar Örn Ólafsson, fyrrverandi forstjóri Skeljungs og stjórnarformaður Play, og Örvar Kjærnested, fjárfestir. Aðrir helstu hluthafar Stoða eru sjóðir í stýringu Stefnis, sem fara samanlagt með um 11 prósenta hlut, og félagið Mótás sem á tæplega 6 prósenta hlut. Kauphöllin Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Davíð Tómas ráðinn framkvæmdastjóri Viðskipti innlent Ballið búið fyrir fullt og allt á B5 Viðskipti innlent Snýr aftur til Snjallgagna Viðskipti innlent Ráðin forstöðumaður hjá OK Viðskipti innlent Farþegum fjölgaði og sætanýting um 85 prósent Viðskipti innlent „Fólk heldur kannski að það sé saklaust að kaupa eina falsaða tösku“ Atvinnulíf Hætta skerðingum til stórnotenda Viðskipti innlent Háttsemi dómara ekki saknæm og Isavia fær því enga milljarða Viðskipti innlent Krökkunum finnst hálf hallærislegt að mamman kunni Friends þættina utan að Atvinnulíf Þarf að greiða kortareikninginn og meira til í málskostnað Neytendur Fleiri fréttir Hætta skerðingum til stórnotenda Davíð Tómas ráðinn framkvæmdastjóri Farþegum fjölgaði og sætanýting um 85 prósent Ráðin forstöðumaður hjá OK Snýr aftur til Snjallgagna Ballið búið fyrir fullt og allt á B5 Yfir milljón farþegar fyrstu fjóra mánuði ársins Háttsemi dómara ekki saknæm og Isavia fær því enga milljarða Mímir nýr forstöðumaður hjá Högum Matvöruverslun og íbúðir steinsnar frá Keflavíkurflugvelli Röntgen Domus og Orkuhúsið fá ekki að sameinast Viljinn tekinn til gjaldþrotaskipta Spá því að stýrivextir haldist óbreyttir Bein útsending: Ársfundur SFS – Best í heimi? Mun bjóða upp á sömu flugáætlun og Bláfugl áður Grindvíkingar borgi allt að þriðjungi hærri leigu en aðrir Guðný og Sigurður Helgi til SI Tekur við stöðu sviðsstjóra Netöryggismiðstöðvar Íslands Hagnaður Íslandsbanka 5,4 milljarðar á fyrsta fjórðungi Arnar Már nýr aðstoðarforstjóri Vinnunetföng algeng leið fyrir hakkara til að brjótast inn í íslensk fyrirtæki Sjö vilja taka við af Gunnari Hagnaður Landsbankans nam 7,2 milljörðum á fyrstu þremur mánuðum ársins Frumkvöðlar koma saman í Kolaportinu Hefja sölu á íbúðum á Orkureitnum Bein útsending: Stærri styrktækifæri í mannvirkjaiðnaði Lokar Önnu Jónu og segir það mikinn létti Hagnaður Arion dróst saman um tvo milljarða Hefja úthlutun lóða í Vatnsendahvarfi Ráðherra bað um tíu milljarða króna í viðbót í arð Sjá meira
Hagnaður Stoða, sem er nánast alfarið í eigu einkafjárfesta og verðbréfasjóða, er drifin áfram af miklum verðhækkunum á hlutabréfaeign félagsins. Stoðir eru stærsti hluthafi Símans og Kviku auk þess að vera á meðal leiðandi fjárfesta í hluthafahópi Arion banka og flugfélagsins Play sem var skráð á markað í byrjun júlí. Eigið fé fjárfestingafélagsins, sem er skuldlaust, stóð í 43 milljörðum króna um mitt þetta ár og hefur það hækkað um meira en 18 milljarða á aðeins einu ári. Á sama tímabili fyrir ári, þegar óvissa vegna kórónuverufaraldursins skók innlenda og erlenda hlutabréfamarkaði, var afkoma Stoða neikvæð um tæplega 480 milljónir króna. Þegar líða tók seinni hluta ársins varð hins vegar mikill viðsnúningur á fjármálamörkuðum og hagnaður Stoðir yfir allt árið 2020 nam samtals um 7,6 milljörðum króna. Fjárfestingaeignir Stoða, sem samanstanda einkum af verðbréfaeign í skráðum innlendum félögum, voru bókfærðar á 39,2 milljarða í lok júní á þessu ári og þá nam handbært fé félagsins um 3,5 milljörðum. Keyptu eigin bréf fyrir 1,4 milljarða Hlutabréfaeign Stoða í Arion banka, sem nemur tæplega fimm prósentum og er í dag metin á liðlega 13,5 milljarða króna, hækkaði um 63 prósent á fyrstu sex mánuðum þessa árs. Miklar hækkanir voru einnig á gengi bréfa félagsins í Símanum, sem fór upp um 38 prósent á tímabilinu, á meðan hlutabréfaverð Kviku banka hækkaði um 35 prósent. Til samanburðar hækkaði Úrvalsvísitala Kauphallarinnar á sama tíma um 23 prósent. Í lok síðasta mánaðar keyptu Stoðir allan 6,2 prósenta hlut Helga Magnússonar, aðaleigenda útgáfufélags Fréttablaðsins, í Bláa lóninu og nam kaupverðið vel á fjórða milljarð króna. Jón Sigurðsson, forstjóri og stjórnarmaður Stoða. Fram kemur í skýrslu stjórnar Stoða í nýbirtum ársreikningi að félagið hafi á árinu keypt eigin bréf upp á 491 milljón hluta að nafnvirði, fyrir samtals 1.430 milljónir króna, og nam hlutur Stoða í sjálfu sér 9,77 prósent um mitt þetta ár. TM seldu allt í Stoðum Í maí síðastliðnum seldi tryggingafélagið TM, dótturfélag Kviku banka, allan 12 prósenta hlut sinn í Stoðum fyrir um 4,5 milljarða króna. Félag í eigu fjárfestanna Magnúsar Ármanns og Þorsteins M. Jónssonar, M&M Capital, var stærsti einstaki kaupandinn að bréfum TM og keypti samanlagt tæplega 2,8 prósenta hlut fyrir um milljarð króna. Þá keypti félagið Arcus Invest, sem er í eigu Þorvaldar H. Gissurarsonar, forstjóra og eigenda ÞG Verks, fyrir rúmlega 600 milljónir króna í Stoðum og fer í dag með 1,77 prósenta hlut sem gerir félagið að áttunda stærsta hluthafanum. Langsamlega stærsti eigandi Stoða er eignarhaldsfélagið S121 með 56 prósenta hlut. Þeir sem standa að því félagi eru meðal annars Jón Sigurðsson, forstjóri Stoða og stjórnarformaður Símans, Einar Örn Ólafsson, fyrrverandi forstjóri Skeljungs og stjórnarformaður Play, og Örvar Kjærnested, fjárfestir. Aðrir helstu hluthafar Stoða eru sjóðir í stýringu Stefnis, sem fara samanlagt með um 11 prósenta hlut, og félagið Mótás sem á tæplega 6 prósenta hlut.
Kauphöllin Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Davíð Tómas ráðinn framkvæmdastjóri Viðskipti innlent Ballið búið fyrir fullt og allt á B5 Viðskipti innlent Snýr aftur til Snjallgagna Viðskipti innlent Ráðin forstöðumaður hjá OK Viðskipti innlent Farþegum fjölgaði og sætanýting um 85 prósent Viðskipti innlent „Fólk heldur kannski að það sé saklaust að kaupa eina falsaða tösku“ Atvinnulíf Hætta skerðingum til stórnotenda Viðskipti innlent Háttsemi dómara ekki saknæm og Isavia fær því enga milljarða Viðskipti innlent Krökkunum finnst hálf hallærislegt að mamman kunni Friends þættina utan að Atvinnulíf Þarf að greiða kortareikninginn og meira til í málskostnað Neytendur Fleiri fréttir Hætta skerðingum til stórnotenda Davíð Tómas ráðinn framkvæmdastjóri Farþegum fjölgaði og sætanýting um 85 prósent Ráðin forstöðumaður hjá OK Snýr aftur til Snjallgagna Ballið búið fyrir fullt og allt á B5 Yfir milljón farþegar fyrstu fjóra mánuði ársins Háttsemi dómara ekki saknæm og Isavia fær því enga milljarða Mímir nýr forstöðumaður hjá Högum Matvöruverslun og íbúðir steinsnar frá Keflavíkurflugvelli Röntgen Domus og Orkuhúsið fá ekki að sameinast Viljinn tekinn til gjaldþrotaskipta Spá því að stýrivextir haldist óbreyttir Bein útsending: Ársfundur SFS – Best í heimi? Mun bjóða upp á sömu flugáætlun og Bláfugl áður Grindvíkingar borgi allt að þriðjungi hærri leigu en aðrir Guðný og Sigurður Helgi til SI Tekur við stöðu sviðsstjóra Netöryggismiðstöðvar Íslands Hagnaður Íslandsbanka 5,4 milljarðar á fyrsta fjórðungi Arnar Már nýr aðstoðarforstjóri Vinnunetföng algeng leið fyrir hakkara til að brjótast inn í íslensk fyrirtæki Sjö vilja taka við af Gunnari Hagnaður Landsbankans nam 7,2 milljörðum á fyrstu þremur mánuðum ársins Frumkvöðlar koma saman í Kolaportinu Hefja sölu á íbúðum á Orkureitnum Bein útsending: Stærri styrktækifæri í mannvirkjaiðnaði Lokar Önnu Jónu og segir það mikinn létti Hagnaður Arion dróst saman um tvo milljarða Hefja úthlutun lóða í Vatnsendahvarfi Ráðherra bað um tíu milljarða króna í viðbót í arð Sjá meira