Fulltrúar tveggja þeirra flokka sem stefna á framboð til Alþingis mættu í umræðuþáttinn Pallborðið á Vísi.
Jóhannes Loftsson formaður Ábyrgrar framtíðar og Magnús Guðbergsson oddviti Frjálslynda lýðræðisflokksins í Suðurkjördæmi voru gestir Sunnu Sæmundsdóttur fréttamanns. Til stóð að hafa fulltrúa Landsflokksins í þættinum en ekki verður af framboði flokksins vegna skorts á undirskriftum.
Flokkarnir mælast ekki í könnunum en hafa til morguns til að skila inn framboðslistum. Spennan er því mikil og sögðu þeir Jóhannes og Magnús frá því sem þeir hafa til málanna að leggja.
Jóhann Sigmarsson, stofnandi Landsflokksins, sem ætíð er kallaður Jonni Sigmars, vandar stjórnvöldum og stjórnsýslu ekki kveðjurnar. Framboð hans hefur verið dæmt úr leik vegna skorts á undirskriftum.
Pallborðsumræður frambjóðenda reyndust eldheitar og ljóst að skammt er í kosningar, spennustigið var hátt.
Bjarni Benediktsson, Gunnar Smári Egilsson og Kristrún Frostadóttir tókust hressilega á við Pallborðið.
