Lofar andspyrnu gegn Talibönum

Forvígismaður NRF, Ahmad Massoud að nafni, hvetur landsmenn til að rísa upp gegn ofríki Talibana sem hafi í engu vikið frá sinni öfgastefnu.

„Við viljum fullvissa afgönsku þjóðina um að baráttan gegn Talibönum og þeirra bandamönnum mun halda áfram þar til réttlæti og friður sigrar,“ 

Fram kemur í umfjöllun fréttastofu Sky að þúsundir Talibana hafi vaðið yfir Panjshir-dal, en ef þeir hafa sannarlega lagt svæðið undir sig markar það viss tímamót. Í fyrsta lagi hafa þeir þá lagt undir sig allt landið, en þetta er í raun í fyrsta sinn sem þeir ná Panjshir undir sig.

Það var einmitt faðir fyrrnefnds Massouds, sem stýrði vörnum svæðisins, fyrst gegn innrásarliði Sovétríkjanna og svo gegn Talibönum á fyrri valdatíð þeirra á tíunda áratugnum fram að því að hann féll í bardaga skömmu áður en Talibönum var komið frá völdum.