Viðskipti innlent

Netárás skýri truflanir á þjónustu SaltPay

Árni Sæberg skrifar
SaltPay er til húsa í Katrínartúni 4.
SaltPay er til húsa í Katrínartúni 4. Íþaka

Fjármálafyrirtækið SaltPay segir að síðdegis í dag hafi verið gerð tölvuárás á fyrirtækið sem varð til þess að talsverðar truflanir hafa orðið á þjónustufyrirtækisins. Þetta segir í tilkynningu frá fyrirtækinu.

Mikil vandræði hafa verið á greiðslukerfi SaltPay í kvöld sem hafa valdið því að greiðslur komast ekki í gegn. Fyrirtækið þjónustar mikinn fjölda fyrirtækja og því hefur árásin haft áhrif á marga. Andrés Jónsson samskiptafulltrúi SaltPay segir kerfi fyrirtækisins vera komið í eðlilegt horf.

Í tilkynningunni segir að um sé ræða svokallaða dreifða álagsárás eða DDoS-árás sem þýðir að netkerfi fyrirtækisins fær tímabundið yfir sig gríðarlegan fjölda beiðna úr mörgum ólíkum áttum.

SaltPay segir árásina þegar hafa verið tilkynnta CERT-ÍS, netöryggissveitar Fjarskiptastofu. 





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×