Rafíþróttir

Fullyrða að heimsmeistaramótið verði haldið á Íslandi

Hjörtur Leó Guðjónsson skrifar
Heimsmeistaramótið var haldið í Kína í fyrra.
Heimsmeistaramótið var haldið í Kína í fyrra. Getty Images/Getty Images

Heimsmeistaramótið í tölvuleiknum League of Legends átti að fara fram í Kína í ár, en vegna sóttvarnaraðgerða þar í landi hefur mótið verið fært til Evrópu. Ekki hefur enn verið gefið upp í hvaða landi, en vefmiðillinn dotesports.com fullyrðir að mótið fari fram á Íslandi.

Riot Games, sem framleiðir leikinn, hélt næst stærsta mót ársins í League of Legends hér á landi fyrr í vor. Mótið sem ber nafnið Mid Season Invitational, eða MSI, fór fram í Laugardalshöll og gekk prýðilega, þrátt fyrir strangar sóttvarnarreglur. 

Heimsmeistaramótið í League of Legends er stærsta mót ársins í leiknum, og að öllum líkindum stærsta tölvuleikjamót heims þegar kemur að áhorfi. 

Riot Games hafa sýnt fram á það að þeir geta haldið jafn stór mót og heimsmeistaramótið í miðjum heimsfaraldri, en þegar mótið var haldið í sóttvarnarbúbblu í Kína í fyrra greindust engin smit meðal þátttakenda eða skipuleggjenda.

Í aðdraganda MSI var John Needham, yfirmaður rafíþrótta hjá Riot Games, spurður afhverju Ísland hefði orðið fyrir valinu. Hann sagði meðal annars að Ísland hefði staðið sig best af þeim löndum sem komu til greina varðandi kórónaveirufaraldurinn.

„Reykjavík var valin eftir miklar vangaveltur þar sem við einblíndum á kórónaveriufaraldurinn, ferðalög og fleira. Ísland var það land sem stóð sig lang best varðandi kórónaveirufaraldurinn af þeim löndum sem komu til greina,“ sagði Needham.

Ekki er þó víst hvort að Ísland verði eina landið sem mun halda viðburði tengda mótinu og ekki hefur verið gefið út hvort að áhorfendur verða leyfðir eða ekki. Þá liggur nákvæm dagsetning ekki heldur fyrir, en á næstu dögum verður tilkynnt um hvar mótið verður haldið.


Tengdar fréttir

Royal Never Give Up sigraði MSI

Royal Never Give Up, eða RNG, stóð uppi sem sigurvegari á MSI mótinu í League of Legends í dag eftir sigur í oddaleik gegn ríkjandi heimsmeisturum í DWG KIA. Þetta var í annað skipti sem RNG vinnur MSI.

Pentanet.GG náði í sinn fyrsta sigur en er úr leik á MSI

Sex leikir fóru fram á næst seinasta degi milliriðilsins á MSI mótinu í League of Legends sem haldið er í Laugardalshöll í dag. DWG KIA gulltryggði sæti sitt í undanúrslitum og Pentanet.GG á ekki lengur möguleika á að komast áfram.

Fyrsta tap RNG á MSI og mikilvægur fyrsti sigur Cloud9

Cloud9 náði loksins í sinn fyrsta sigur í milliriðli MSI þegar þeir mættu Pentanet.GG í uppgjöri botnliðanna. PSG Talon tókst það sem engum öðrum hefur tekist á MSI þegar þeir unnu RNG.

RNG taplausir og í fyrsta skipti sem ástralskt lið fer upp úr riðli á alþjóðlegu móti

Það var nóg um að vera á MSI mótinu í League of Legends sem haldið er í Laugardalshöll um helgina. Keppni í A-riðli er lokið, en Royal Never Give Up, eða RNG, kláruðu sinn riðil með átta sigrum í jafn mörgum leikjum. Með þeim upp úr riðlinum fara Pentanet.GG, en þetta er í fyrsta sinn sem ástralskt lið kemst áfram á alþjóðlegu móti.

Allt eftir bókinni á fyrsta degi MSI

Það urðu engin óvænt úrslit þegar Mid Season Invitational í League of Legends fór af stað í Laugardalshöllinni í dag. Ríkjandi heimsmeistarar opnuðu mótið með sannfærandi sigri gegn fulltrúum LCS, Cloud 9.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.