Innlent

Landhelgisgæslan sótti slasaðan vélhjólamann

Elma Rut Valtýsdóttir skrifar
Landhelgisgæslan kom slösuðum manni í Árnessýslu til bjargar fyrr í dag.
Landhelgisgæslan kom slösuðum manni í Árnessýslu til bjargar fyrr í dag.

Björgunarsveitir voru kallaðar út í Árnessýslu í dag vegna slyss sem varð á Gjábakkavegi nálægt Þingvöllum. Slysið varð á karlmanni sem hafði ekið um á vélhjóli.

RÚV greindi fyrst frá.

Útkallið barst um tvö leytið í dag og mættu björgunarsveitir á svæðið ásamt sjúkraflutningsmönnum.

Hinn slasaði var fluttur með þyrlu Landhelgisgæslunnar til aðhlynningar á sjúkrahúsi í Reykjavík.

Ásgeir Erlendsson, upplýsingafulltrúi Landhelgisgæslunnar gat ekki veitt frekari upplýsingar um líðan mannsins.

Landhelgisgæslan Björgunarsveitir Bláskógabyggð
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið