Erlent

Fyrstu co­vid-smitin frá upp­hafi greindust í Palaú í dag

Hallgerður Kolbrún E. Jónsdóttir skrifar
Tvímenningarnir eru þeir fyrstu sem hafa greinst smitaðir af kórónuveirunni í Palaú frá upphafi.
Tvímenningarnir eru þeir fyrstu sem hafa greinst smitaðir af kórónuveirunni í Palaú frá upphafi. Getty

Fyrstu innanlandssmitin greindust í Palaú í gær en frá upphafi faraldursins hefur enginn greinst smitaður af kórónuveirunni í landinu fyrr en nú.

Palaú er lítið eyríki í Kyrrahafi en hinir smituðu voru tveir ferðmenn sem voru að koma frá eyjunni Guam. Þeir og allir þeir sem komu nálægt þeim hafa verið skipaðir í einangrun.

Mikil hræðsla greip um sig meðal eyjaskeggja þegar fregnirnar bárust en heilbrigðisráðuneyti landsins tilkynnti það í dag að engar innanlandstakmarkanir verði settar á þrátt fyrir þessa gríðarlegu fjölgun smita.

Meira en áttatíu prósent þjóðarinnar, sem nemur þó aðeins átján þúsund manns, er fullbólusett gegn veirunni. Forseti landsins, Surangel Whipps, sagði í dag að eyjan væri „ekki lengur Covid-laus en nú Covid-örugg.“

Þar til í dag var Palaú eitt fjórtán ríkja í heiminum sem tekist hefur að koma alveg í veg fyrir kórónuveirusmit innan sinna landamæra, samkvæmt gögnum frá Alþjóðaheilbrigðismálastofnuninni. Tvö þeirra landa eru þó Norður-Kórea og Túrkmenistan og hefur það verið harðlega dregið í efa að smitleysi ríkjanna standist skoðun.

Palaú Faraldur kórónuveiru (COVID-19)
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið