Dagskráin í dag - Reykjavíkurslagur í Lautinni

Stúkan verður á dagskrá strax í kjölfar leiks Fylkis og Víkings sem mætast á heimavelli Fylkis í Árbænum í virkilega mikilvægum leik fyrir bæði lið.

Fylkismenn hafa færst nær fallsvæðinu síðustu vikurnar en Víkingar eru það lið sem virðist helst geta veitt Val og Breiðablik keppni um efsta sæti deildarinnar.

Á sama tíma verða tveir leikir í Kópavogi þar sem HK tekur á móti KR í Kórnum á meðan Breiðablik fær ÍA í heimsókn á Kópavogsvöll. Hægt er að fylgjast með báðum leikjum á stod2.is.

Vikulegur þáttur GameTíví verður einnig á sínum stað á Stöð 2 ESport klukkan 20.