Í fyrradag greindist metfjöldi smitaðra hér innanlands.Landspítali/Þorkell Þorkelsson
Að minnsta kosti 83 greindust með kórónuveirusmit hér innanlands eftir sýnatökur í gær. Af þeim sem greindust innanlands í gær voru 42 í sóttkví en 41 utan sóttkvíar við greiningu.
22 þeirra sem greindust í gær voru óbólusettir, 3 hálfbólusettir en hinir 51 fullbólusettir.
Alls eru nú 1.226 í einangrun, 2.177 í sóttkví og 1.026 í skimunarsóttkví.
79 manns losnuðu úr einangrun á síðasta sólarhring.
154 greindust á föstudag
Það greindust heldur færri í gær en greindust á föstudaginn þegar metfjöldi smitaðra greindist hér innanlands. Samkvæmt tölum sem birtust í gær greindust 145 smitaðir eftir sýnatökur á föstudaginn en síðan hafa nokkrir bæst við og liggur nú fyrir að 154 hafi greinst þann daginn.
Fjölgar um tvo á spítala
Tveir virðast hafa verið lagðir inn á spítala með Covid-19 en þeir eru nú 12 sem liggja inni á sjúkrahúsi og tveir á gjörgæslu.
Einn var lagður inn á Landspítalann með Covid-19 í gær og eru nú samtals tíu Covid-sjúklingar inniliggjandi á spítalanum, þar af tveir á gjörgæslu.
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.
