Erlent

Bólusettir frá Evrópu og Bandaríkjunum þurfi ekki að fara í sóttkví í Bretlandi

Árni Sæberg skrifar
Bólusettir ferðalangar á leið til Bretlands frá appelsínugulum löndum þurfa ekki lengur að fara í sóttkví 
Bólusettir ferðalangar á leið til Bretlands frá appelsínugulum löndum þurfa ekki lengur að fara í sóttkví  EPA-EFE/LUIS FORRA

Búist er við að stjórnvöld í Bretlandi muni tilkynna í dag að tíu daga sóttkvíarskylda verði afnumin fyrir bólusetta ferðamenn sem koma frá svæðum innan Evrópusambandsins og Bandaríkjanna sem eru á appelsínugulum lista. 

Hingað til hafa einungis þeir sem bólusettir eru í Bretlandi sloppið við sóttkví við komu til Bretlands frá löndum sem skilgreind eru sem appelsínugul.

Ísland er sem stendur á grænum lista hjá Bretum en miðað við þróun síðustu daga er ekki ólíklegt að Ísland endi á appelsínugulum lista. Fjórtán daga nýgengi smita er komið í 217,3. Nýgengi er lægra í nokkrum löndum sem eru á appelsínugulum lista Breta, til dæmis í Danmörku og í Þýskalandi.

Í síðustu viku tilkynntu stjórnvöld að sóttkvíarskylda yrði afnumin í ágúst fyrir þá Breta sem bólusettir eru erlendis en eru með skráðan heimilislækni í Bretlandi. Bretar sem búa erlendis kvörtuðu sáran yfir því fyrirkomulagi og sögðu það aðeins gagnast örfáum.

Heimildarmenn The Guardian innan ríkistjórnar Bretlands fullyrða að breyting á reglum um sóttkví verði samþykkt á fundi í dag.

Faraldur kórónuveiru (COVID-19) Bretland Ferðalög
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið