Frá þessu er greint á Sportando og þá hefur Karfan heimildir fyrir þessu.
Jon Axel Gudmundsson will play for the Phoenix Suns in the upcoming NBA Summer League, sources tell @Sportando. The former Davidson guard spent last season in the German BBL with the Fraport Skyliners.
— Nicola Lupo (@NicolaLupo99) July 26, 2021
Á síðasta tímabili lék Jón Axel með Fraport Skyliners í þýsku úrvalsdeildinni. Hann var með 12,3 stig, 3,1 frákast og 3,7 stoðsendingar að meðaltali í leik.
Þar áður lék Grindvíkingurinn með Davidson í bandaríska háskólaboltanum við góðan orðstír. Hann var meðal annars valinn leikmaður ársins í A10 deildinni 2019.
Sumardeildin fer fram í Las Vegas 8.-17. ágúst. Þar gefst leikmönnum tækifæri til að vinna sér inn samninga hjá félögunum í NBA.
Phoenix komst í úrslit NBA á nýafstöðnu tímabili en tapaði þar fyrir Milwaukee Bucks, 4-2. Phoenix vann 51 leik í deildarkeppninni en aðeins Utah Jazz vann fleiri, eða 52 leiki.
NBA er á Stöð 2 Sport en upplýsingar um útsendingar má finna hér. NBA körfuboltinn er hluti af Stöð 2 Sport erlent sem kostar 3.990 krónur á mánuði en einnig má kaupa útsendingar sem stakan viðburð á 990 krónur.
