Sport

Dagskráin í dag: Heil umferð í Pepsi Max og Bucks geta tryggt sér titilinn

Valur Páll Eiríksson skrifar
Valur og Breiðablik verða bæði í eldlínunni í kvöld.
Valur og Breiðablik verða bæði í eldlínunni í kvöld. Vísir/Elín Björg

Nóg er um að vera á rásum Stöðvar 2 Sport í kvöld þar sem heil umferð fer fram í Pepsi Max-deild kvenna og úrslitin geta ráðist í úrslitaeinvíginu í NBA-deildinni í körfubolta.

Pepsi Max-deild kvenna

Þrír leikir eru á dagskrá í Pepsi Max-deild kvenna klukkan 18:00. Leikur Breiðabliks við ÍBV verður sýndur líkt og sá milli Selfoss og Þórs/KA. Bein útsending frá þeim hefst klukkan 17:50 og hægt að nálgast þá báða á stod2.is.

Tindastóll mætir Fylki einnig klukkan 18:00 en leikur liðanna er í beinni á Stöð 2 Sport frá klukkan 17:50.

Klukkan 19:50 hefst þá bein útsending frá leik Vals og Þróttar að Hlíðarenda á stod2.is. Bein útsending frá leik Keflavíkur og Stjörnunni hefst klukkan 19:55 á Stöð 2 Sport.

NBA

Milwaukee Bucks eru með 3-2 forystu í einvígi sínu við Phoenix Suns í úrslitaeinvíginu um NBA-meistaratitilinn í körfubolta vestanhafs. Liðið á heimaleik við Suns í nótt en fjórir sigrar duga til að vinna einvígið.

Bein útsending frá þeim leik hefst klukkan 1:00 á Stöð 2 Sport 2 í nótt.

Mest lesið


Fleiri fréttir

Sjá meira


×

Mest lesið