Frá þorpinu Schuld sem er nær gjörónýtt eftir flóðin. EPA/SASCHA STEINBACH
Tala látinna í Þýskalandi af völdum flóðanna þar í landi er nú komin í áttatíu manns og er ljóst að um mestu flóð í áratugi er að ræða.
Flóðin má rekja til gríðarlegra rigninga í vestur Evrópu sem orsökuðu það að ár flæddu víða yfir bakka sína, sumstaðar með hörmulegum afleiðingum.
Í Belgíu hafa að minnsta kosi ellefu látið lífið. Stjórnmálaleiðtogar landanna kenna loftslagsbreytingum um hamfarirnar og Angela Merkel Þýskalandskanslari hefur lofað þeim sem urðu fyrir flóðunum fullum stuðningi.
Verða að efla varnirnar
Armin Laschet, héraðsstjóri Norður Rínar-Vestfalíu segir ljóst að loftslagsbreytingum sé um að kenna og varar hann við því að slíkir atburðir verði nú æ algengari. Því verði ríkistjórnir að einhenda sér í það að styrkja varnir gegn slíkum hamförum.
Verst er ástandið í vesturhluta Þýskalands en flóðin hafa einnig gert skráveifu í Belgíu, Hollandi, Lúxembúrg og Sviss. Þýska þorpið Schuld, þar sem 700 manns bjuggu, er nærri því algerlega eyðilagt eftir hamfarirnar.
Minnst nítján eru látnir eftir gríðarlegar rigningar í þýska sambandsríkinu Rínarlandi-Pfalz síðustu daga. Í nótt flæddi á í bænum Schuld yfir bakka sína með þeim afleiðingum að sex hús hrundu. Tveir hafa látið lífið í Belgíu.
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.
