Dagskráin í dag: FH í Evrópu, golf og úrslitin í NBA

Stöð 2 Sport

FH leikur fyrri leik sinn við írska liðið Sligo Rovers í Sambandsdeild Evrópu í Kaplakrika klukkan 18:00 í kvöld. Stakt COVID-smit greindist á meðal leikmanna Sligo í vikunni en um einangrað atvik var að ræða og aðrir leikmenn liðsins fengið grænt ljós fyrir kvöldið. Bein útsending frá leik liðanna hefst klukkan 17:50 á Stöð 2 Sport.

Stöð 2 Sport 2

Annar leikur úrslitaeinvígis Phoenix Suns og Milwaukee Bucks fer fram í nótt. Suns unnu fyrri leik liðanna 118-105 og geta náð 2-0 forystu á heimavelli í nótt.

Bein útsending frá leik liðanna hefst klukkan 01:00 á Stöð 2 Sport 2.

Stöð 2 Golf

Sýnt verður frá Opna skoska mótinu í golfi, sem er hluti af Evróputúrnum, í dag og hefst bein útsending klukkan 11:30 á Stöð 2 Golf.

Þá er komið að John Deere Classic-mótinu á PGA-mótaröðinni sem hefst á Stöð 2 Golf klukkan 19:00.

Stöð 2 Sport 4

Klukkan 12:30 hefst bein útsending frá Aramco Team Series á LET-mótaröðinni í Lundúnum.

Þá er fyrsti dagur á Marathon Classic-mótinu á LPGA mótaröðinni klukkan 19:30 í kvöld á Stöð 2 Sport 4.