Endur­lifðu EM-dramatík gær­kvöldsins með því að sjá mörkin og víta­­keppnina

Ítalir mæta annað hvort Englandi eða Danmörku í úrslitaleiknum á sunnudaginn en hinn undanúrslitaleikurinn verður spilaður í kvöld.

Ítalir komust yfir í leiknum sjálfum en Spánverjar jöfnuðu. Federico Chiesa skoraði mark Ítala á 60. mínútu en varamaðurinn Álvaro Morata jafnaði metin tíu mínútum fyrir leikslok.

Ítalir klikkuðu síðan á fyrstu vítaspyrnu sinni í vítakeppninni en það kom ekki að sök því Spánverjar gerðu það líka.

Jorginho tryggði ítalska liðinu síðan sæti í úrslitaleiknum með því að skora að öryggi úr síðustu spyrnunni. Áður höfðu þeir Andrea Belotti, Leonardo Bonucci og Federico Bernardeschi allir skorað fyrir Ítalíu í vítakeppninni.

Gianluigi Donnarumma, markvörður Ítalíu, varði síðan víti Spánverjans Álvaro Morata og Dani Olmo hitti ekki markið. Spánverjar fengu því ekki að taka síðustu spyrnu sína því úrslitin voru ráðin.

Hér fyrir neðan má sjá bæði mörkin í leiknum sjálfum og svo alla vítaspyrnukeppnina.

EM 2020 verður sýnt á Stöð 2 Sport EM 2020 sem er hluti af Sportpakkanum, Stóra pakkanum og Risapakkanum. EM 2020 er einnig hægt að kaupa stakt á lækkuðu verði frá og með 24. júní á kr. 3.990.