Fjölmennt lið björgunarsveitarfólks leitar enn erlends ferðamanns sem hefur verið saknað við gosstöðvarnar á Reykjanesi frá því um miðjan dag. Lítið skyggni er á svæðinu og leiðinlegt veður en leitað verður fram á nótt ef þörf krefur.
Allar björgunarsveitir á Suðurnesjum og höfuðborgarsvæðinu, á annað hundrað manns, hafa leitað að manninum sem varð viðskila við konu sína um miðjan dag frá því í kvöld. Leitar- og sporhundar aðstoða við leitina.
Nú skömmu fyrir klukkan ellefu hafði leitin engan árangur borið. Jónas Guðmundsson, verkefnastjóri slysavarna hjá Landsbjörg, sagði Vísi að aðstæður væru lélegar til leitar. Hann reiknar með að leitað verði fram á nótt.
Björgunarsveitarfólk af Suðurnesjum og höfuðborgarsvæðinu leitar nú að karlmanni á gosstöðvunum á Reykjanesi. Leitar- og sporhundar frá höfuðborgarsvæðinu hafa einnig verið sendir til að aðstoða við leitina.
