Með virkt smit í tíu mánuði, lá sjö sinnum inni og greindist 42 sinnum jákvæður Hólmfríður Gísladóttir skrifar 24. júní 2021 14:22 „Stundum óskaði ég þess að ég færi um miðja nótt, því ég gat ekki lifað svona. Það kemur að því að þú verður meira hræddur við að lifa en að deyja.“ Skjáskot Dave Smith á heldur óskemmtilegt met; hann er sá sem hefur mælst með virkt kórónuveirusmit í lengstan tíma. Sýkingin varði í meira en 290 daga, næstum tíu mánuði. Smith lagðist sjö sinnum inn á sjúkrahús og mældist jákvæður í 42 prófum. „Ég hringdi í alla í fjölskyldunni og gerði upp við þá. Nú vildi ég óska að ég hefði ekki opnað munninn,“ gantast Smith. Hann segir niðursveiflurnar í sjúkdómnum hafa verið alvarlegar, þannig að hann var við dauðans dyr. „Konan mín hóf fimm sinnum að undirbúa jarðaförina mína,“ segir hann. Flestir sem greinast með virkt kórónusmit í langan tíma eru oftast með laskað mótefnasvar, til dæmis vegna nýlegrar meðferðar við blóðkrabbameinum eða erfðasjúkdóma. Þegar hann veiktist fyrst af völdum SARS-CoV-2, í mars í fyrra, hafði Smith nýlega lokið meðferð við hvítblæði. „Ég var algjörlega orkulaus og tapaði lyktarskyninu, sem ég hef ekki enn fengið til baka. En ég fór ekki í Covid-próf fyrr en í apríl, þegar ég var lagður inn á sjúkrahús vegna lungnasýkingar,“ segir ökukennarinn fyrrverandi. Smith voru gefin sýklalyf og sendur heim en var aftur lagður inn í júlí. Þegar hann greindist aftur með Covid-19 héldu læknarnir fyrst að hann hefði smitast aftur en raðgreining leiddi í ljós að um sömu veiru var að ræða. "Here comes the miracle man” 72 year old Dave Smith had Covid for nearly 300 days - the longest recorded case in the world. He speaks to #BBCBreakfast about his nightmare year and being studied by Bristol University. https://t.co/Nt7FCC1O8B pic.twitter.com/UJIVnc3h6W— BBC Breakfast (@BBCBreakfast) June 24, 2021 Var búinn að ganga frá öllu og kveðja Smith batnaði og versnaði til skiptis. Hann og eiginkona hans Lynda vörðu öllum sínum tíma heima fyrir, horfðu á sjónvarpið og fengu nauðsynleg aðföng send heim. Smith missti alla matarlyst og fór úr 115 kg í 64 kg. „Á einum tíma var ég rúmliggjandi í tvo eða þrjá mánuði. Konan mín varð að þrífa mig og raka mig í rúminu því ég gat ekki staðið upp. Stundum óskaði ég þess að ég færi um miðja nótt, því ég gat ekki lifað svona. Það kemur að því að þú verður meira hræddur við að lifa en að deyja.“ Smith horfðist í augu við það að vera að deyja, gekk frá sínum málum og kvaddi nákomna. Það var ekki fyrr en hann fékk lyfjakokteil á tilraunastigi sem honum fór að batna. Um var að ræða mótefnalyfin casirivimab og imdevimab, þróuð af lyfjafyrirtækinu Regeneron; sama kokteil og gefinn var Donald Trump, þáverandi Bandaríkjaforseta þegar hann veiktist. Sér ekkert nema stjörnurnar Fjörtíu og fimm dögum eftir að lyfjagjöfin hófst sýndu próf fram á að Smith væri loks neikvæður; laus við kórónuveiruna og Covid-19. „Við opnuðum kampavínsflösku sem við áttum uppi í skáp, því við drekkum lítið, og kláruðum hana saman. Svo hringdum við í alla og sögðum: Ég er neikvæður, ég er neikvæður.“ Síðan þá hefur Smith ferðast og er nú að kenna barnabarninu sínu að keyra. „Ég verð aldrei 100 prósent því Covid hefur eyðilagt í mér lungun, þannig að ég verð fljótt móður. En hver dagur er bónus. Ég segi alltaf: Þegar þú liggur í ræsinu sérðu ekkert nema stjörnurnar. Ég hef farið niður á botnin og núna er allt æðislegt.“ Faraldur kórónuveiru (COVID-19) Bretland Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Íslendingur á meðal farþega í flugvélinni Erlent „Forsetaframbjóðandi er á villigötum“ Innlent Kviknaði í hverju fjórhjólinu á fætur öðru Innlent „Ber þess merki að eitthvað sé mjög nálægt því að bresta“ Innlent Líst best á Baldur og Höllu en verst á Ástþór Innlent „Sjálfum leiðast mér þessar nasistalíkingar“ Innlent Ástæða fyrir því að spenna beltin í flugi Innlent Íbúar undirbúa hópmálsókn vegna uppkaupa í Grindavík Innlent OpenAI hættir notkun raddar eftir inngrip lögmanna Johansson Erlent Einn látinn eftir mikla ókyrrð í lofti Erlent Fleiri fréttir Kanna hvar Perry fékk ketamínið Æfa notkun „taktískra“ kjarnorkuvopna Íslendingur á meðal farþega í flugvélinni Þurfa ekki að rannsaka eiturtilræði við rússneskan andófsmann Vitnaleiðslum lokið án framburðar Trump Yfirvöld ábyrg fyrir dauða þúsunda einstaklinga sökum mengaðs blóðs Einn látinn eftir mikla ókyrrð í lofti Aldraður eðlisfræðingur sendur í gúlagið fyrir landráð „Stöðvið stuldinn“-fáni á lóð dómara eftir árásina á þinghúsið Mynd fer á flug í kjölfar tilrauna til að láta fjarlægja hana Biden segir Ísraela saklausa af ásökunum um þjóðarmorð Réttað yfir Hinrik XIII og öðrum leiðtogum valdaránstilraunar OpenAI hættir notkun raddar eftir inngrip lögmanna Johansson Fengu ekkert merki frá þyrlunni sem hrapaði með forsetann um borð Netanjahú hafnar handtökuskipuninni Spánverjar kalla sendiherrann heim í kjölfar ummæla Milei Sigur fyrir Assange sem fær að áfrýja framsali Saksóknari Alþjóðlega sakamáladómstólsins vill handtaka Netanjahú og Hamas-liða Komst loks út í geim sextíu árum síðar Íransforseti fórst í þyrluslysinu Leitin enn ekki borið árangur Tveir látnir og fimm saknað eftir slys í Dóná Diddy biðst afsökunar á „ófyrirgefanlegri hegðun“ Óljóst hvort þyrlan sé fundin Íranski forsetinn í óljósu þyrluslysi Færeyingar draga í land með ferðamannaskatt Bæjarstjóri sakaður um að vera njósnari: „Enginn veit hver hún er“ Gantz hótar að segja af sér vegna ósættis við Netanjahú Ástand Fico enn alvarlegt Býst við aukinni sókn Rússa Sjá meira
„Ég hringdi í alla í fjölskyldunni og gerði upp við þá. Nú vildi ég óska að ég hefði ekki opnað munninn,“ gantast Smith. Hann segir niðursveiflurnar í sjúkdómnum hafa verið alvarlegar, þannig að hann var við dauðans dyr. „Konan mín hóf fimm sinnum að undirbúa jarðaförina mína,“ segir hann. Flestir sem greinast með virkt kórónusmit í langan tíma eru oftast með laskað mótefnasvar, til dæmis vegna nýlegrar meðferðar við blóðkrabbameinum eða erfðasjúkdóma. Þegar hann veiktist fyrst af völdum SARS-CoV-2, í mars í fyrra, hafði Smith nýlega lokið meðferð við hvítblæði. „Ég var algjörlega orkulaus og tapaði lyktarskyninu, sem ég hef ekki enn fengið til baka. En ég fór ekki í Covid-próf fyrr en í apríl, þegar ég var lagður inn á sjúkrahús vegna lungnasýkingar,“ segir ökukennarinn fyrrverandi. Smith voru gefin sýklalyf og sendur heim en var aftur lagður inn í júlí. Þegar hann greindist aftur með Covid-19 héldu læknarnir fyrst að hann hefði smitast aftur en raðgreining leiddi í ljós að um sömu veiru var að ræða. "Here comes the miracle man” 72 year old Dave Smith had Covid for nearly 300 days - the longest recorded case in the world. He speaks to #BBCBreakfast about his nightmare year and being studied by Bristol University. https://t.co/Nt7FCC1O8B pic.twitter.com/UJIVnc3h6W— BBC Breakfast (@BBCBreakfast) June 24, 2021 Var búinn að ganga frá öllu og kveðja Smith batnaði og versnaði til skiptis. Hann og eiginkona hans Lynda vörðu öllum sínum tíma heima fyrir, horfðu á sjónvarpið og fengu nauðsynleg aðföng send heim. Smith missti alla matarlyst og fór úr 115 kg í 64 kg. „Á einum tíma var ég rúmliggjandi í tvo eða þrjá mánuði. Konan mín varð að þrífa mig og raka mig í rúminu því ég gat ekki staðið upp. Stundum óskaði ég þess að ég færi um miðja nótt, því ég gat ekki lifað svona. Það kemur að því að þú verður meira hræddur við að lifa en að deyja.“ Smith horfðist í augu við það að vera að deyja, gekk frá sínum málum og kvaddi nákomna. Það var ekki fyrr en hann fékk lyfjakokteil á tilraunastigi sem honum fór að batna. Um var að ræða mótefnalyfin casirivimab og imdevimab, þróuð af lyfjafyrirtækinu Regeneron; sama kokteil og gefinn var Donald Trump, þáverandi Bandaríkjaforseta þegar hann veiktist. Sér ekkert nema stjörnurnar Fjörtíu og fimm dögum eftir að lyfjagjöfin hófst sýndu próf fram á að Smith væri loks neikvæður; laus við kórónuveiruna og Covid-19. „Við opnuðum kampavínsflösku sem við áttum uppi í skáp, því við drekkum lítið, og kláruðum hana saman. Svo hringdum við í alla og sögðum: Ég er neikvæður, ég er neikvæður.“ Síðan þá hefur Smith ferðast og er nú að kenna barnabarninu sínu að keyra. „Ég verð aldrei 100 prósent því Covid hefur eyðilagt í mér lungun, þannig að ég verð fljótt móður. En hver dagur er bónus. Ég segi alltaf: Þegar þú liggur í ræsinu sérðu ekkert nema stjörnurnar. Ég hef farið niður á botnin og núna er allt æðislegt.“
Faraldur kórónuveiru (COVID-19) Bretland Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Íslendingur á meðal farþega í flugvélinni Erlent „Forsetaframbjóðandi er á villigötum“ Innlent Kviknaði í hverju fjórhjólinu á fætur öðru Innlent „Ber þess merki að eitthvað sé mjög nálægt því að bresta“ Innlent Líst best á Baldur og Höllu en verst á Ástþór Innlent „Sjálfum leiðast mér þessar nasistalíkingar“ Innlent Ástæða fyrir því að spenna beltin í flugi Innlent Íbúar undirbúa hópmálsókn vegna uppkaupa í Grindavík Innlent OpenAI hættir notkun raddar eftir inngrip lögmanna Johansson Erlent Einn látinn eftir mikla ókyrrð í lofti Erlent Fleiri fréttir Kanna hvar Perry fékk ketamínið Æfa notkun „taktískra“ kjarnorkuvopna Íslendingur á meðal farþega í flugvélinni Þurfa ekki að rannsaka eiturtilræði við rússneskan andófsmann Vitnaleiðslum lokið án framburðar Trump Yfirvöld ábyrg fyrir dauða þúsunda einstaklinga sökum mengaðs blóðs Einn látinn eftir mikla ókyrrð í lofti Aldraður eðlisfræðingur sendur í gúlagið fyrir landráð „Stöðvið stuldinn“-fáni á lóð dómara eftir árásina á þinghúsið Mynd fer á flug í kjölfar tilrauna til að láta fjarlægja hana Biden segir Ísraela saklausa af ásökunum um þjóðarmorð Réttað yfir Hinrik XIII og öðrum leiðtogum valdaránstilraunar OpenAI hættir notkun raddar eftir inngrip lögmanna Johansson Fengu ekkert merki frá þyrlunni sem hrapaði með forsetann um borð Netanjahú hafnar handtökuskipuninni Spánverjar kalla sendiherrann heim í kjölfar ummæla Milei Sigur fyrir Assange sem fær að áfrýja framsali Saksóknari Alþjóðlega sakamáladómstólsins vill handtaka Netanjahú og Hamas-liða Komst loks út í geim sextíu árum síðar Íransforseti fórst í þyrluslysinu Leitin enn ekki borið árangur Tveir látnir og fimm saknað eftir slys í Dóná Diddy biðst afsökunar á „ófyrirgefanlegri hegðun“ Óljóst hvort þyrlan sé fundin Íranski forsetinn í óljósu þyrluslysi Færeyingar draga í land með ferðamannaskatt Bæjarstjóri sakaður um að vera njósnari: „Enginn veit hver hún er“ Gantz hótar að segja af sér vegna ósættis við Netanjahú Ástand Fico enn alvarlegt Býst við aukinni sókn Rússa Sjá meira