Kjarasamningarnir sögð ein af forsendum framtíðarmöguleika Play

Hólmfríður Gísladóttir skrifar 22. júní 2021 13:29

Samkvæmt útboðsgögnunum á félagið mikið undir því að kjarasamningarnir standi. Play

Þeir kjarasamningar sem stjórnendur Play hafa gert við flugmenn og áhöfn eru ein af grunnstoðum rekstraráætlunar félagsins og framtíðarmöguleika.

Ef þeir verða dæmdir ógildir eða reynast óframkvæmanlegir mun það skaða samkeppnisstöðu Play og hafa neikvæð áhrif á rekstur og afkomu félagsins.

Þetta kemur fram í útboðsgöngum flugfélagsins.

Þar segir að Play, sem áður hét WAB air, hafi gert tvo samninga við Íslenska flugstéttarfélagið, sem hafi samið fyrir hönd flugmanna og áhafnarmeðlima. Tekið er fram að báðir samingarnir séu nýir og enn hafi ekki reynt á þá.

Þá er greint frá því að Alþýðusamband Íslands og önnur launþegasamtök hafi gert athugasemdir við samningana og gagnrýnt fyrirtækið fyrir að ganga frá þeim án aðkomu starfsmanna.

Engin dómsmál séu þó í gangi þessu tengd.

Play Vinnumarkaður Kjaramál Fréttir af flugi

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.