Innlent

Könnun MMR: Sjálfstæðisflokkur mælist með 27 prósent fylgi

Atli Ísleifsson skrifar
Bjarni Benediktsson er formaður Sjálfstæðisflokksins.
Bjarni Benediktsson er formaður Sjálfstæðisflokksins. Vísir/Vilhelm

Fylgi Sjálfstæðisflokksins mælist 27,0 prósent í nýrri könnun MMR, rúmlega tveimur prósentustigum hærra en í síðustu könnun sem lögð var fyrir síðustu vikuna í maí.

Píratar mælast áfram næststærstir, með 13,1 prósent fylgi og helst nær óbreytt milli kannana.

Í tilkynningu frá MMR segir að fylgi Vinstri grænna hafi aukist um rúmt prósentustig og mælist nú 12,4 prósent.

„Fylgi Framsóknarflokksins minnkaði um tæplega fjögur prósentustig á milli mælinga og mældist nú 8,8% og fylgi Viðreisnar minnkaði um rúmlega þrjú prósentustig og mældist nú 7,8%. Þá jókst fylgi Flokks fólksins um tæplega þrjú prósentustig og mældist nú 5,5%.

Stuðningur við ríkisstjórnina mældist nú 53,7% og jókst um rúmlega þrjú prósentustig frá síðustu könnun, þar sem stuðningur mældist 50,2%.

  • Fylgi Sjálfstæðisflokksins mældist nú 27,0% og mældist 24,6% í síðustu könnun.
  • Fylgi Pírata mældist nú 13,1% og mældist 13,5% í síðustu könnun.
  • Fylgi Vinstri grænna mældist nú 12,4% og mældist 11,1% í síðustu könnun.
  • Fylgi Samfylkingarinnar mældist nú 11,2% og mældist 10,9% í síðustu könnun.
  • Fylgi Framsóknarflokksins mældist nú 8,8% og mældist 12,5% í síðustu könnun.
  • Fylgi Viðreisnar mældist nú 7,8% og mældist 11,0% í síðustu könnun.
  • Fylgi Miðflokksins mældist nú 7,3% og mældist 6,5% í síðustu könnun.
  • Fylgi Flokks fólksins mældist nú 5,5% og mældist 2,8% í síðustu könnun.
  • Fylgi Sósíalistaflokks Íslands mældist nú 5,3% og mældist 5,6% í síðustu könnun.
  • Stuðningur við aðra mældist 1,6% samanlagt.“

Könnunin var framkvæmd 4. - 14. júní 2021 og var heildarfjöldi svarenda 973 einstaklingar, 18 ára og eldri.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.