Bryndís Haraldsdóttir er í öðru sæti samkvæmt nýjustu tölum.Vísir/Vilhelm
Breyting hefur orðið á uppröðun á lista Sjálfstæðisflokksins í Suðvesturkjördæmi eftir að aðrar tölur voru birtar rétt í þessu. Bryndís Haraldsdóttir er nú í öðru sæti listans en eftir fyrstu tölur var Jón Gunnarsson alþingismaður í öðru sæti.
Bjarni Benediktsson, formaður Sjálfstæðisflokksins og fjármálaráðherra, er í fyrsta sætinu. Hann var sá eini sem sóttist eftir því sæti. Alls hafa 2.984 atkvæði af um 4.700 verið talin.
Jón Gunnarsson er nú í því þriðja, þar sem Bryndís var eftir fyrstu tölur. Aðrar breytingar hafa ekki orðið á uppröðun efstu sex, sem sjá má hér að neðan:
Í fyrsta sæti með 2.441 atkvæði í fyrsta sæti er Bjarni Benediktsson.
Í öðru sæti með 793 atkvæði í fyrsta til annað sæti er Bryndís Haraldsdóttir.
Í þriðja sæti með 996 atkvæði í fyrsta til þriðja sæti er Jón Gunnarsson.
Í fjórða sæti með 1.232 atkvæði í fyrsta til fjórða sæti er Óli Björn Kárason.
Í fimmta sæti með 1.425 atkvæði í fyrsta til fimmta sæti er Arnar Þór Jónsson.
Í sjötta sæti með 1.680 atkvæði í fyrsta til sjötta sæti er Sigþrúður Ármann.
Talsverð röð er fyrir utan félagsheimili Sjálfstæðisflokksins í Garðabæ, sem er einn af kjörstöðum í prófkjöri flokksins í Suðvesturkjördæmi. Kjörstaðir loka klukkan nú klukkan sex en búist er við fyrstu tölum um klukkustund síðar.
3155 höfðu greitt atkvæði í prófkjöri Sjálfstæðisflokksins í Suðvesturkjördæmi klukkan 14:00 í dag. Kjörstaðir loka klukkan sex í kvöld en fyrstu tölur verða lesnar um klukkutíma síðar í beinu streymi á xd.is.
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.
