Handbolti

ÍBV fær lands­liðs­konu frá Serbíu

Runólfur Trausti Þórhallsson skrifar
Marija Jovanovic mun spila með ÍBV á næstu leiktíð.
Marija Jovanovic mun spila með ÍBV á næstu leiktíð. ÍBV

Serbneska landsliðskonan Marija Jovanovic hefur gengið frá samkomulagi við handknattleiksdeild ÍBV og skrifað undir tveggja ára samning við félagið.

Hin 26 ára gamla Jovanovic er hávaxin og mjög öflug á báðum endum vallarins segir í fréttatilkynningu ÍBV.

Jovanovic hefur undanfarin ár leikið með ZORK Jagodina í Serbíu. Varð liðið varð serbneskur meistarar á dögunum.

Á síðustu fjórum árum hefur lið Jovanovic unnið serbneska meistaratitilinn í þrígang, tvisvar hrósað sigri í bikarkeppninni og einu sinni orðið meistari meistaranna.

Jovanovic er í landsliðshópi Serbíu sem leggur stund á æfingar um þessar mundir. Serbneska er með íslenska landsliðinu í riðli undankeppni EM sem hefst í október.

ÍBV endaði í 4. sæti í Olís-deild kvenna í vetur.


Olísdeildirnar í handbolta eru á Stöð 2 Sport en upplýsingar um útsendingar má finna hér. Olísdeildin er hluti af Stöð 2 Sport Ísland sem kostar 3.990 krónur á mánuði en einnig má kaupa útsendingar sem stakan viðburð á 990 krónur.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.