Viðskipti erlent

Gagna­leki sýnir að ofur­ríkir borga lítinn sem engan skatt

Atli Ísleifsson og Gunnar Reynir Valþórsson skrifa
Í gögnunum er því haldið fram að Jeff Bezos, eigandi Amazon, hafi ekki greitt neinn skatt 2007 og 2011.
Í gögnunum er því haldið fram að Jeff Bezos, eigandi Amazon, hafi ekki greitt neinn skatt 2007 og 2011. AP

Ríkustu menn Bandaríkjanna borga flestir hverjir lítinn sem engan skatt af tekjum sínum. Þetta kemur fram í gögnum um skattgreiðslur þeirra sem hefur verið lekið til fréttamiðilsins ProPublica.

BBC segir frá því að til að mynda sé því haldið fram að Jeff Bezos, eigandi Amazon og einn ríkasti maður jarðar, hafi hreinlega ekki greitt neinn skatt árin 2007 og 2011. Sama eigi við um Elon Musk, eiganda Tesla, sem borgaði engan skatt árið árið 2018.

Talsmaður Hvíta hússins í Bandaríkjunum hefur þegar brugðist við fregnum af lekanum og segir hann ólöglegan en gögnin virðast koma frá bandaríska skattstjóranum. Alríkislögreglan mun vera að rannsaka málið.

ProPublica segjast búa yfir miklum upplýsingum sem þau ætla að birta á næstu dögum. Miðillinn heldur því fram að gögnin sýni fram á að 25 ríkustu Bandaríkjamennirnir borgi að jafnaði lægri skatt heldur en meðalmaðurinn, eða tæplega sextán prósent af tekjum sínum.

Fréttamiðillinn notaðist við gögn frá tímaritinu Forbes og segir frá því að auðævi 25 ríkustu Bandaríkjamannanna hafi samanlagt aukist um 401 milljarða Bandaríkjadala á árunum 2014 til 2018. Á þeim árum hafi þeir samtals greitt 13,6 milljarða dala í tekjuskatt.





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
ICEAIR
7,53
245
386.089
SKEL
1,97
4
5.571
REITIR
1,85
34
715.603
LEQ
1,65
1
4.912
MAREL
0,94
19
48.686

Mesta lækkun dagsins


Félag
Br.%
Fjöldi
Velta*
KVIKA
-1,25
23
398.408
ISB
-0,81
546
956.680
SYN
-0,7
1
1.280
BRIM
-0,37
4
994
EIM
-0,31
23
160.413
Velkomin á Vísi. Þessi vefur notar vafrakökur. Sjá nánar.