Innlent

Trukkur valt á Hafnarfjarðarvegi

Óttar Kolbeinsson Proppé skrifar
Bíllinn liggur á hlið rétt áður en komið er að Hamraborginni.
Bíllinn liggur á hlið rétt áður en komið er að Hamraborginni. aðsend

Stór bíll valt á hlið á Hafnarfjarðarvegi við Kópavogsbraut fyrir skemmstu. Tveir voru í bílnum og er hvorugur alvarlega slasaður.

Þetta staðfestir varðstjóri hjá slökkviliðinu við Vísi. Hann segist ekki vita hvað varð til þess að bíllinn valt á hliðina en enginn árekstur varð við annan bíl.

Af mynd sem Vísir fékk senda í kvöld af bílnum á hliðinni má sjá dæld í vegriði við hlið bílsins og ekki ólíklegt að hann hafi rekist utan í það og sá árekstur síðan valdið veltunni.

Varðstjóranum þykir ólíklegt að þeir tveir sem voru í bílnum verði fluttir á sjúkrahús en báðir stóðu þeir upp eftir slysið og eru ekki mjög meiddir, í mesta falli með minniháttar meiðsl.

Samgönguslys Slökkvilið Lögreglumál Reykjavík
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið