Erlent

Greiða hundruð milljóna vegna illrar meðferðar á námuverkamönnum

Hólmfríður Gísladóttir skrifar
Náman er þekkt fyrir að hafa gefið af sér lýtalausan bleikan demant sem nú prýðir eina af uppáhaldsnælum Elísabetar Bretadrottningar.
Náman er þekkt fyrir að hafa gefið af sér lýtalausan bleikan demant sem nú prýðir eina af uppáhaldsnælum Elísabetar Bretadrottningar.

Breska námafyrirtækið Petra Diamonds hefur samþykkt að greiða tugum Tansaníumanna jafnvirði 757 milljóna króna í skaðabætur vegna illrar meðferðar.

Náman er þekkt fyrir að hafa gefið af sér lýtalausan bleikan demant sem nú prýðir eina af uppáhaldsnælum Elísabetar Bretadrottningar.

Tansaníumennirnir 71 greindu frá því að hafa verið skotnir, barðir, stungnir og haldið föngum. Þá sögðust þeir einnig hafa verið handjárnaðir við sjúkrarúm.

Þeir sem beittu ofbeldinu voru öryggisstarfsmenn Williamson Diamonds, dótturfyrirtækis Petra, og lögregla í Shinyanga, sem er eitt af fátækustu héruðum Tansaníu.

Í tíu tilvikum var mál sótt af fjölskyldum manna sem höfðu látist við störf í námunni.

Forsvarsmenn Petra, sem er skráð í kauphöllina í Lundúnum, segjast hafa skipt um öryggisundirverktaka og lokað fangageymslum á svæðinu, þar sem mannréttindasamtök segja íbúum hafa verið haldið.

Þá segjast þeir hafa samþykkt að fjármagna samfélagsleg og heilbrigðistengd verkefni.

Guardian greindi frá.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.