Innlent

Þjóðskrá gerði mistök við útreikning vísitölu íbúðaverðs

Gunnar Reynir Valþórsson skrifar
Vísir/Getty

Vísitala íbúðaverðs á höfuðborgarsvæðinu var 711,7 stig í mars 2021 samkvæmt Þjóðskrá og hækkaði um 3,3% á milli mánaða en ekki 1,6% eins og fullyrt var á sínum tíma.

Þetta kemur fram í tilkynningu frá Þjóðskrá sem segir að mistök hafi verið gerð þegar tölurnar voru fyrst birtar þann 20. apríl síðastliðinn. 

Villan kom í ljós við yfirferð talnanna, en í dag stendur til að birta vísitöluna fyrir aprílmánuð. 

Viðskiptablaðið bendir á að 3,3% hækkun þýði að íbúðaverð á höfuðborgarsvæðinu hafi ekki hækkað eins mikið á einum mánuði í fjórtán ár, eða frá árinu 2007. 

Síðastliðna þrjá mánuði hækkaði vísitalan síðan um 4,0%, síðastliðna sex mánuði hækkaði hún um 6,5% og síðastliðna tólf mánuði hækkaði hún um 10,7%.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.