Handbolti

F­oxillur Sigur­­steinn vildi sjá leik­menn sína bera virðingu fyrir FH-merkinu

Anton Ingi Leifsson skrifar
Sigursteinn var öskuillur í leikhléinu sem hann tók er FH var tólf mörkum undir.
Sigursteinn var öskuillur í leikhléinu sem hann tók er FH var tólf mörkum undir. vísir/skjáskot

Sigursteinn Arndal, þjálfari FH, var allt annað en sáttur með frammistöðu sinna manna í grannaslagnum gegn Haukum á laugardagskvöldið er liðin mættust í Olís deild karla.

Haukar keyrðu yfir granna sína í FH og tryggðu sér deildarmeistaratitilinn með sigri, 34-26, en FH náði aðeins að laga stöðuna áður en yfir lauk.

Þegar átta mínútur voru eftir af leiknum var munurinn tólf mörk, 33-21, og bálreiður Sigursteinn tók þá leikhlé.

Hann gjörsamlega urðaði yfir sína menn og bað þá um að bera virðingu fyrir FH-merkinu og spila eins og menn.

Eins og áður segir lagaði FH aðeins stöðuna áður en yfir lauk en Haukarnir fögnuðu deildarmeistaratitlinum í leikslok.

Leikhlé Sigursteins má sjá hér að neðan.

Klippa: Seinni bylgjan - Sigursteinn reiður

Seinni bylgjan er uppgjörsþáttur Stöðvar 2 Sports um Olísdeildir karla og kvenna í handbolta og er á dagskrá öll mánudagskvöld. Upptökur af þættinum má nálgast á sjónvarpsvef Stöðvar 2. Olísdeildin er hluti af Stöð 2 Sport Ísland.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.