Körfubolti

Öruggt hjá Haukakonum í fyrsta leik

Hjörtur Leó Guðjónsson skrifar
Haukar leiða nú einvígið 1-0
Haukar leiða nú einvígið 1-0

Haukar tóku á móti Keflavík í fyrstu viðureign liðanna í undanúrslitum Domino's deildar kvenna í kvöld. Keflvíkingar skoruðu fyrstu stig kvöldsins, en það var í eina skiptið sem þær voru yfir í leiknum. Haukakonur lönduðu að lokum 14 stiga sigri, 77-63.

Haukar lentu í öðru sæti Domino's deildar kvenna í vetur á meðan Keflavík var tveim stigum á eftir þeim í þriðja sæti.

Keflvíkingar skoruðu fyrstu körfu leiksins, en það voru einu 15 sekúndurnar sem Haukakonur voru undir í kvöld.

Haukar náðu mest ellefu stiga forskoti í fyrsta leikhluta, en gestirnir minnkuðu muninn í fimm stig áður en leikhlutinn var úti.

Í öðrum leikhluta stungu heimakonur þó af og náðu 18 stiga forskoti undir lok þriðja leikhluta. Keflvíkingar náðu aðeins að klóra í bakkann, en voru aldrei nálægt því að ógna forskoti Hauka sem unnu að lokum verðskuldaðan 14 stiga sigur, 77-63.

Daniella Wallen átti stórleik í liði gestana, en hún skoraði 28 stig, tók 16 fráköst, gaf fimm stoðsendingar og átti tvö blokk. Það Dugði þó ekki til.

Í liði Hauka var Alyesha Lovett stigahæst með 26 stig ásamt því að taka sjö fráköst.

Næsti leikur liðanna fer fram í Keflavík klukkan 20:30 á mánudaginn, en vinna þarf þrjá leiki til að komast í úrslitaleikinn.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.