Allir Færeyingar verði bólusettir fyrir ágústlok

Sylvía Hall skrifar 14. maí 2021 10:15

Bólusetningar eru sagðar hafa gengið vel fyrir sig í Færeyjum undanfarið og hafa tæplega 35 prósent fengið fyrri skammt. Landssjúkrahúsið

Stefnt er að því að Færeyingar verði fullbólusettir gegn kórónuveirunni í lok ágúst. Frá þessu er greint frá vef Kringvarpsins í gær.

Bólusetningaráætlun Færeyinga er í fullu samræmi við áætlanir Dana í þessum efnum þar sem Færeyingar fá sama hlutfall af bóluefni í samræmi við íbúafjölda. Danir stefna einnig á að ljúka bólusetningum í lok ágúst ef allt gengur eftir áætlun.

Á vef Kringvarpsins kemur fram að bólusetningar hafi gengið vel undanfarið þar sem fleiri skammtar af bóluefni Pfizer/BioNTech haf borist en í fyrstu. Heilt yfir hafi gengið vel að bólusetja landsmenn og nýting bóluefnisins hafi verið góð til þessa.

34,9 prósent Færeyinga hafa þegar fengið fyrri skammt af bóluefni og teljast 13,3 prósent fullbólusett samkvæmt nýjustu tölum.

Færeyjar Faraldur kórónuveiru (COVID-19) Bólusetningar

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.