Körfubolti

Elvar Már valinn mikil­vægastur í Litháen

Runólfur Trausti Þórhallsson skrifar
Elvar Már hefur átt frábært tímabil.
Elvar Már hefur átt frábært tímabil. Tangram Sports

Elvar Már Friðriksson var í daginn valinn mikilvægasti leikmaður, MVP, litháensku úrvalsdeildarinnar í körfubolta. Þar leikur hann með Šiauliai.

Elvar Már Friðriksson var í daginn valinn mikilvægasti leikmaður, MVP, litáensku úrvalsdeildarinnar í körfubolta. Þar leikur hann með Šiauliai.

Elvar Már er á sínu fyrsta tímabili í Litáen og þó liðinu hafi ekki gengið neitt sérstaklega, það skreið inn í úrslitakeppnina með 13 sigra og 23 töp í 36 leikjum þá hefur Njarðvíkingurinn blómstrað.

Hinn 26 ára gamli Elvar hefur skorað að meðaltali 15,6 stig, gefið 7,7 stoðsendingar og verið með 19,9 framlagspunkta í leik á tímabilinu Þá átti hann það sem kalla má hinn fullkomna leik fyrir ekki svo löngu.

Elvar Már er uppalinn í Njarðvík hér á landi og lék með liðinu frá 2011 til 2015 sem og tímabilið 2018-2019.. Hann fór til Bandaríkjanna í háskóla og lék þar með LIU Brooklyn og Barry-háskólanum frá 2014 til 2018.

Hann lék með franska liðinu Denain Voltaire árið 2018 og sænska liðinu Borås Basket áður en ferðinni var heitið til Litáen. Það er ljóst að frammistaða hans í vetur hefur vakið mikla athygli og spurning hvert þessi magnaði leikmaður fer næst.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.