Annar strætisvagninn er mjög illa farinn og ekki verður hægt að bjarga honum.Vísir/Eiríkur Stefán
Vagnstjóri strætisvagns, sem lenti í árekstri í Ártúnsbrekku í gær, liggur enn inni á spítala eftir óhappið. Að sögn upplýsingafulltrúa Strætó slapp maðurinn, sem er á sextugsaldri, mjög vel í árekstrinum.
Maðurinn var fluttur á Landspítala í gær en strætóinn sem hann ók var illa skemmdur og þurfti að klippa vagnstjórann úr honum. Ekkert bein brotnaði í manninum við áreksturinn en hann er enn í eftirliti á sjúkrahúsi og verður þar næstu daga.
Tveir strætisvagnar skullu saman í Ártúnsbrekkunni í gær og voru báðir vagnstjórar fluttir á sjúkrahús. Engir farþegar voru um borð í bílunum en þeir voru á leið á Hlemm þar sem þeir áttu að hefja ferð sína.
Bílstjóri hins bílsins, sem er kona á sextugsaldri, slapp án meiðsla en verður frá vinnu næstu daga. Hún var flutt á sjúkrahús til læknisskoðunar en engir áverkar fundust, að minnsta kosti fyrst um sinn.
Ökumaður strætisvagns, sem lenti í árekstri í Ártúnsbrekkunni í morgun, er ekki talinn í lífshættu. Maðurinn, sem er á sextugsaldri, gengst nú undir rannsóknir á Landspítala en að sögn upplýsingafulltrúa Strætó gat hann staðið í fæturna á vettvangi í morgun.
Lögreglan á höfuðborgarsvæðinu vill vekja athygli á að miklar umferðartafir eru á Vesturlandsvegi í Ártúnsbrekku á leið vestur vegna umferðarslyss.
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.
