Innlent

Guðni for­seti bólu­settur í HÚ!-bolnum sínum

Atli Ísleifsson skrifar
Guðni Th. Jóhannesson forseti var mættur í Laugardalshöllina í morgun.
Guðni Th. Jóhannesson forseti var mættur í Laugardalshöllina í morgun. Vísir/Vilhelm

Guðni Th. Jóhannesson forseti var bólusettur í Laugardalshöllinni í morgun. Hann var bólusettur með bóluefni AstraZeneca.

Forseti klæddist hvítum stuttermabol með mynd Hugleiks Dagssonar af stuðningsmanni íslenska landsliðsins sem kallar „HÚ!“ þegar hann var bólusettur. 

Stefnt er að því að bólusetja 14 þúsund manns með bóluefninu frá AstraZeneca í dag. 

Sigríður Dóra Magnúsdóttir, framkvæmdastjóri lækninga hjá Heilsugæslu höfuðborgarsvæðisins, segir að bólusetningardagurinn í dag sé sá stærsti hingað til hvað varðar fjölda bólusettra. 

„Þetta er mjög stór dagur hjá okkur í dag. Stærsti dagurinn hingað til. Við virðumst endalaust geta bætt við okkur,“ segir Sigríður Dóra. 

Stór hluti boðaðra eru karlmenn fæddir 1971 og fyrr auk þess sem forgangshópar eru boðaðir. 

Sömuleiðis sé verið að bólusetja forgangshópa, þó að ekki takist að klára þá alla.

Svandís Svavarsdóttir heilbrigðisráðherra er meðal þeirra sem þiggur bóluefni AstraZeneca í dag.

Bólusetningar Faraldur kórónuveiru (COVID-19) Forseti Íslands
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið