Körfubolti

Kevin Durant dró vagninn fyrir Brooklyn Nets

Hjörtur Leó Guðjónsson skrifar
Kevin Durant skoraði 25 stig og gaf 11 stoðsendingar í nótt.
Kevin Durant skoraði 25 stig og gaf 11 stoðsendingar í nótt. AP/Frank Franklin II

Kevin Durant og félagar hans í Brooklyn Nets áttu ekki í miklum vandræðum þegar Charlotte Hornets kíktu í heimsókn í nótt. Hornets unnu fyrsta leikhlutann en Brooklyn tóku hægt og bítandi völdin og unnu að lokum sannfærandi sigur, 130-115.

Durant dró vagninn fyrir félaga sína og skoraði 25 stig, ásamt því aðgefa 11 stoðsendingar og taka þrjú fráköst. Joe Harris átti líka flottan leik í liði Brooklyn með 26 stig.

Philadelphia 76ers gerðu sér lítið fyrir og bundu enda á sjö leikja sigurgöngu Los Angeles Clippers. Joel Embiid var allt í öllu fyrir 76ers, en hann setti niður 36 stig ásamt því að taka 14 fráköst. Philadelphia trónir á toppnum í austurdeild NBA deildarinnar.

Paul George gerði hvað hann gat fyrir sína menn í Clippers, en hann setti niður 37 stig og tók 9 fráköst. Það dugði þó ekki til og 106-103 sigur 76ers því staðreynd.

Chicago Bulls töpuðu sínum fimmta leik í röð þegar þeir tóku á móti Mamphis Grizzlies. Dillon Brooks skoraði 32 stig fyrir Memphis menn, en þetta er það mesta sem hann hefur skorað á tímabilinu. Lokatölur 126-115 og Bulls enn fyrir utan topp tíu í austurdeildinni.

Portland Trail Blazers sluppu með skrekkinn gegn San Antonio Spurs, en Spurs klikkuðu á þrem skotum í lokasókn sinni. Lokatölur 107-106, þar sem CJ McCollum var stigahæstur með 29 stig.

Úrslitin í nótt

Indiana Pacers 111-119 Utah Jazz

Oklahoma City Thunder 104-110 Detroit Pistons

LA Clippers 103-106 Philadelphia 76ers

New Orleans Pelicans 115-117 Washington Wizards

Charlotte Hornets 115-130 Brooklyn Nets

Orlando Magic 102-113 Toronto Raptors

Memphis Grizzlies 126-115 Chicago Bulls

Denver Nuggets 128-99 Houston Rockets

Miami Heat 111-119 Minnesota Timberwolves

Portland Trail Blazers 107-106 San Antonio Spurs

New York Knicks 117-109 Dallas Mavericks

NBA



Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.