Innlent

Odd­ný og Viktor leiða lista Sam­fylkingarinnar í Suður­kjör­dæmi

Eiður Þór Árnason skrifar
F.v. Inger Erla Thomsen, Guðný Birna Guðmundsdóttir, Viktor Stefán Pálsson, Oddný G. Harðardóttir og Friðjón Einarsson.
F.v. Inger Erla Thomsen, Guðný Birna Guðmundsdóttir, Viktor Stefán Pálsson, Oddný G. Harðardóttir og Friðjón Einarsson. Samfylkingin

Oddný G. Harðardóttir þingflokksformaður Samfylkingarinnar og Viktor Stefán Pálsson, sviðsstjóri hjá Matvælastofnun munu leiða lista Samfylkingarinnar í Suðurkjördæmi fyrir næstu alþingiskosningar. Framboðslistinn var samþykktur með yfirgnæfandi meirihluta á fundi kjördæmisráðs Samfylkingarinnar í kvöld.

Þriðja sætið skipar Guðný Birna Guðmundsdóttir, hjúkrunarstjóri heimahjúkrunar hjá Reykjavíkurborg og bæjarfulltrúi í Reykjanesbæ. Í fjórða sæti er Inger Erla Thomsen stjórnmálafræðinemi og fimmta sætið skipar Friðjón Einarsson, formaður bæjarráðs í Reykjanesbæ. 

Þetta kemur fram í tilkynningu frá flokknum en Eysteinn Eyjólfsson, formaður Öldungaráðs Suðurnesja og fyrrverandi útsölustjóri ÁTVR, skipar heiðurssæti á listanum. 

„Ég leiði lista Samfylkingarinnar í Suðurkjördæmi með stolti inn í þessar kosningar, þetta er öflugur hópur. Það eru fjölmörg tækifæri framundan í uppbyggingu eftir heimsfaraldur og sýn okkar er skýr í þeim efnum. Ríkisstjórnin og stjórnarflokkarnir hafa brugðist og ekki staðið með fólkinu í kjördæminu sem bera þyngstu byrðarnar í heimsfaraldrinum. Nú þurfum við allar hendur á dekk svo ný ríkisstjórn eftir kosningar verði leidd af jafnaðarmönnum,” er haft eftir Oddnýju Harðardóttur í tilkynningu.

Óánægju hefur gætt með störf uppstillingarnefndar flokksins í Suðurkjördæmi en Vísir greindi frá því í lok mars að þrír frambjóðendur hafi ákveðið að hafna því sæti sem þeim bauðst á lista. Það eru þeir Ástþór Jón Ragnheiðarson, varaformaður ASÍ-UNG, Páll Valur Björnsson, varaþingmaður Samfylkingarinnar og Njörður Sigurðsson, varaþingmaður og oddviti í Hveragerði. Sóttust þeir allir eftir því að komast í efstu þrjú sæti á listanum í Suðurkjördæmi en höfðu ekki erindi sem erfiði.

Framboðslisti Samfylkingarinnar í Suðurkjördæmi:

Sæti  

Nafn

Heimili

Starf

1

Oddný G. Harðardóttir

Suðurnesjabær

Þingmaður Samfylkingarinnar, þingflokksformaður, fyrrverandi bæjarstjóri í Garði og fyrrverandi fjármálaráðherra.

2

Viktor Stefán Pálsson

Árborg

Sviðsstjóri hjá Matvælastofnun og formaður Ungmennafélags Selfoss

3

Guðný Birna Guðmundsdóttir

Reykjanesbær

Hjúkrunarstjóri heimahjúkrunar hjá Reykjavíkurborg, bæjarfulltrúi í Reykjanesbæ, hjúkrunarfræðingur og MBA nemi

4

Inger Erla Thomsen

Grímsnes

Stjórnmálafræðinemi

5

Friðjón Einarsson

Reykjanesbær

Formaður bæjarráðs Reykjanesbæjar

6

Anton Örn Eggertsson

Vestmannaeyjar

Meðeigandi í Pítsugerðinni og yfirkokkur hjá veitingastaðnum Gott

7

Margrét Sturlaugsdóttir

Reykjanesbær

Atvinnulaus fyrrverandi flugfreyja Icelandair

8

Davíð Kristjánsson

Árborg

Vélvirki hjá Veitum

9

Siggeir Fannar Ævarsson

Grindavik

Framkvæmdastjóri

10

Elín Björg Jónsdóttir

Þorlákshöfn

Fyrrverandi formaður BSRB

11

Óðinn Hilmisson

Vogar

Húsasmíðameistari, kennaranám iðnmeistara, tónlistarmaður og rithöfundur

12

Guðrún Ingimundardóttir

Höfn í Hornafirði

Vinnur við umönnun og er eftirlaunaþegi

13

Hrafn Óskar Oddsson

Vestmannaeyjar

Sjómaður

14

Hildur Tryggvadóttir

Hvolsvelli

Sjúkraliði og nemi í Leikskólafræði við Háskóla Ísland

15

Fríða Stefánsdóttir

Suðurnesjabær

Formaður bæjarráðs í Suðurnesjabæ og deildarstjóri í Sandgerðisskóla

16

Hafþór Ingi Ragnarsson

Hrunamannahreppi

6. árs læknanemi og aðstoðarlæknir á bráðamóttöku HSu

17

Sigurrós Antonsdóttir

Reykjanesbær

Hársnyrtimeistari, atvinnurekandi og kennari

18

Gunnar Karl Ólafsson

Árborg

Sérfræðingur á kjarasviði - Báran, stéttarfélag

19

Soffía Sigurðardóttir

Árborg

Markþjálfi

20

Eyjólfur Eysteinsson

Reykjanesbær

Formaður Öldungaráðs Suðurnesja og fyrrv. útsölustjóri ÁTVR

Fréttin hefur verið uppfærð.


Tengdar fréttir

Karen Kjartans­dóttir hættir hjá Sam­fylkingunni

Karen Kjartansdóttirhefur gengt starfi framkvæmdastjóra Samfylkingarinnar undanfarin tvö og hálft ár en hefur nú sagt sig frá því. Hún segir hugmyndir sínar og formanns framkvæmdastjórnar of ólíkar til að geta starfað áfram fyrir flokkinn. Innan við sex mánuðir eru í kosningar til Alþingis.

Samfylkingin herðir tökin á Facebook-vettvangi sínum

„Við vonum að þetta verði til að bæta andrúmsloftið innan hópsins og draga úr skrifum og athugasemdum sem eru beinlínis skaðleg fyrir flokkinn,“ segir í orðum sem eiga að útskýra nýjar reglur í Facebook-hópi Samfylkingarinnar.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×