Fótbolti

Fyrrum leik­maður Liver­pool orðinn yfir­maður hjá Jóni Degi

Anton Ingi Leifsson skrifar
Jón Dagur Þorsteinsson og félagar í AGF fagna marki fyrr á leiktíðinni.
Jón Dagur Þorsteinsson og félagar í AGF fagna marki fyrr á leiktíðinni. agf

AGF tilkynnti í dag að hinn norski Stig Inge Bjørnebye hefði verið ráðinn til félagsins sem yfirmaður knattspyrnumála.

AGF hafði undanfarið leitað að nýjum yfirmanni knattspyrnumála eftir að Peter Christiansen skipti frá AGF til FCK.

Fyrst um sinn hafði liðið ráðið Hans Jørgen Haysen en vegna eftirmála kom hann ekki til starfa og nú er Bjørnebye mættur.

Bjørnebye var yfirmaður knattspyrnumála hjá Rosenborg á árunum 2015 til 2019 þar sem liðið vann tvennuna tvö ár í röð.

Hann hefur einnig verið aðalþjálfari Start sem og aðstoðarþjálfari norska landsliðsins en hann er þaulreyndur norskur landsliðsmaður.

Hann lék með Liverpool á árunum 1992 til 2000 og einnig með liðum á borð við Blackburn, Rosenborg og Brøndby.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.