Naumur sigur Þýska­lands og Zlatan lagði upp annað mark

Þýskaland vann nauman sigur á Rúmenum í J-riðli okkar Íslendinga í undankeppni HM í Katar 2022.

Fyrsta og eina mark leiksins skoraði Serge Gnabry á sextándu mínútu eftir stoðsendingu frá Kai Havertz.

Þýskaland er þar af leiðandi með sex stig á toppi riðilsins en Rúmenía er með þrjú stig eftir tvo leiki.

Mótherjar Íslands á miðvikudag, Liechtenstein, steinlágu 5-0 á útivelli gegn Norður Makedóníu. Þeir eru því einnig án stiga er liðin mætast á miðvikudag.

Svíþjóð er einnig með sex stig, í B-riðlinum, eftir 3-0 sigur á Kósóvó en heimamenn eru án stiga.

Zlatan Ibrahimovic lagði upp annað mark í dag er hann lagði upp fyrsta mark leiksins en mörk Svía skoruðu Ludwig Augustinsson, Alexander Isak og Sebastian Larsson.

Heimsmeistarar Frakka unnu 2-0 sigur á Kasakstan á útivelli. Ousmane Dembele skoraði á nítjándu mínútu og annað markið var sjálfsmark mínútu fyrir leikhlé.

Frakkar gátu bætt í forystuna í síðari hálfleik en Kylian Mbappe brenndi af vítaspyrnu. Frakkar með fjögur stig en Kasakstan ekkert.

Ítalír eru enn eitt liðið með sex stig en þeir unnu 2-0 sigur í Búlgaríu í kvöld. Andrea Belotti og Manuel Locatelli skoruðu mörkin.

Eftir að hafa komist yfir gegn Austurríki töpuðu Færeyingarnir 3-1 á útivelli. Gunnar Nielsen stóð í marki Færeyja.