Erlent

Fjall­göngu­menn fá aftur að klífa E­verest

Atli Ísleifsson skrifar
Alls hafa um 275 þúsund manns greinst með kórónuveiruna í Nepal frá upphafi heimsfaraldursins.
Alls hafa um 275 þúsund manns greinst með kórónuveiruna í Nepal frá upphafi heimsfaraldursins. EPA/Narendra Shrestha

Nokkur hundruð fjallgöngumanna munu leggja leið sína að Everest-fjalli í Nepal í næsta mánuði, en fjallinu hefur verið lokað síðasta árið vegna heimsfaraldurs kórónuveirunnar.

Fjallgöngumenn sem ætla sér að klífa þetta hæsta fjall heims munu þurfa að lúta ströngum reglum nepalskra yfirvalda vegna heimsfaraldursins.

Rúmlega þrjú hundruð erlendir fjallagöngumenn hafa skráð sig og fengið leyfi þar sem þeir munu gera tilraun til að komast á topp fjallsins, sem er í 8.849 hæð fyrir sjávarmáli. Fjöldinn er nokkru minni samanborið við fjallgöngutímabilið 2019.

Nepölsk yfirvöld bönnuðu ferðir fjallgöngufólks á Everest og marga aðra af hæstu tindum heims, sem einnig eru að finna í Nepal, í mars á síðasta ári.

Alls hafa um 275 þúsund manns greinst með kórónuveiruna í Nepal frá upphafi heimsfaraldursins og þá hafa rúmlega þrjú þúsund dauðsföll verið rakin til Covid-19 þar í landi það sem af er.

Kínversk yfirvöld munu áfram banna ferðir á Everest frá kínverskri hlið fjallsins.

Nepal Everest Faraldur kórónuveiru (COVID-19)

Tengdar fréttir

Loka E­verest-fjalli vegna kórónu­veirunnar

Yfirvöld í Nepal hafa ákveðið að loka Everest-fjalli og fleiri tindum fyrir fjallgöngumönnum á komandi tímabili af ótta við útbreiðslu kórónuveirunnar.

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið