Handbolti

Kristinn um dómarana: Þeir eru bara lélegir

Kristín Björk Ingimarsdóttir skrifar
ÍR-ingar fengu Valsmenn í heimsókn í Austurbergið í kvöld. 
ÍR-ingar fengu Valsmenn í heimsókn í Austurbergið í kvöld.  Vísir/Vilhelm

,,Þetta var erfiður kafli í fyrri hálfleik þar sem þetta fer úr 8-7 í 14-7 eða eitthvað svoleiðis. Þar sem við klikkum og þeir skora,“ sagði Kristinn Björgúlfsson, þjálfari ÍR eftir tapið á móti Val í Olís deild karla í kvöld.

Jafnræði var með liðunum fyrstu mínútur leiksins. Það var ekki fyrr en þegar um stundarfjórðungur var liðinn af fyrri hálfleik sem þetta breyttist í leik kattarins að músinni. Valsmenn gjörsamlega keyrðu fram úr. 

,,Vandamálið liggur hinumegin á vellinum, þar sem Einar stelur þremur í röð, svo klikkum við á tveimur og þeir keyra upp og skora. Það er smá gæðamunur þarna.“

,,Við lögðum upp með að halda okkar prógrammi gangandi og þegar við spilum boltanum almennilega erum við fínir. En þegar við ætlum að gera eitthvað sem við kunnum ekki þá verður þetta erfitt.“

Kristinn var ekki parhrifinn af dómgæslu kvöldins en bræðurnir Ægir Örn og Sigurgeir voru með flauturnar í kvöld.

,,Þeir eru bara lélegir. Þeir eru að reyna sitt besta en við erum neðstir í deildinni þá held ég að þeir séu frekar neðarlega á listanum. Af því ég er lifandi á hliðarlínunni þá fæ ég strax gult spjald. En Snorri og Óskar Bjarni eru alltaf að spjalla við þá, þá gengur það upp.“

En hann var hinsvegar mjög sáttur með að áhorfendur eru leyfðir aftur.

,,Það er æðislega gaman að hafa áhorfendur. Þeir voru frábærir í dag. Ótrúlega mikið af fólki sem kemur og frábær stuðningsveit sem við erum með. Það var hrikalega gott að sjá svona mikið af fólki og við erum þakklátir fyrir það.“




Fleiri fréttir

Sjá meira


×