Rekstur hjúkrunarheimila Fjarðabyggðar til HSA

Atli Ísleifsson skrifar 3. mars 2021 14:39

Frá Fáskrúðsfirði á Austfjörðum. Myndin er úr safni. Vísir/Vilhelm

Heilbrigðisstofnun Austurlands (HSA) mun taka við rekstri hjúkrunarheimila í Fjarðabyggð frá og með 1. apríl næstkomandi. Er um að ræða Hulduhlíð á Eskifirði og Uppsali á Fáskrúðsfirði, en á hvoru heimili um sig eru hjúkrunarrými fyrir tuttugu íbúa.

Þetta kemur fram í tilkynningu á vef stjórnarráðsins.

„Sveitarfélagið Fjarðabyggð sagði upp rekstrarsamningi við Sjúkratryggingar Íslands um rekstur hjúkrunarheimilanna tveggja þann 22. september síðastliðinn og lýkur samningstímanum um næstu mánaðamót. Sjúkratryggingar Íslands auglýstu eftir aðilum sem áhuga hefðu á að taka við rekstri heimilanna en engin viðbrögð bárust við þeirri auglýsingu.

Hjá HSA er þegar fyrir hendi þekking og reynsla á rekstri hjúkrunarheimila. Stofnunin rekur hjúkrunarheimilið Dyngju á Egilsstöðum, hjúkrunarheimilið Fossahlíð á Seyðisfirði og hjúkrunarheimili Umdæmissjúkrahúss Austurlands í Neskaupsstað,“ segir í tilkynningu á vef heilbrigðisráðuneytisins.

Fjarðabyggð Heilbrigðismál Heilbrigðisstofnun Austurlands Eldri borgarar Sveitarstjórnarmál

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.