Innlent

László Czenek fallinn frá eftir baráttu við Covid-19

Jakob Bjarnar skrifar
László Czenek var nýorðinn sextugur en hann starfaði við við Tónlistarskóla Rangæinga frá 1999 til 2014 eða samtals í 15 ár og þar af 13 ár sem skólastjóri.
László Czenek var nýorðinn sextugur en hann starfaði við við Tónlistarskóla Rangæinga frá 1999 til 2014 eða samtals í 15 ár og þar af 13 ár sem skólastjóri.

László Czenek, fyrrverandi skólastjóri Tónlistarskóla Rangæinga, andaðist þann 21. febrúar síðastliðinn í heimalandi sínu Ungverjalandi eftir baráttu við Covid-19.

Frá þessu greinir á vef tónlistarskólans. Þar segir að László hafi nýverið orðið sextugur en hann starfaði við við skólann frá 1999 til 2014 eða samtals í 15 ár og þar af 13 ár sem skólastjóri. 

László Czenek var skólastjóri Tónlistarskóla Rangæinga.Tónlistarskóli Rangæinga

Jafnframt kemur fram að hann lætur eftir sig eiginkonuna Hédi sem einnig starfaði við skólann samhliða eiginmanni sínum og tvö uppkomin börn, soninn Marton og dótturina Agnesi.

„Við sendum Hédi og börnum hennar innilegar samúðarkveðjur og megi guð styrkja þau á þessum erfiðu tímum. Guð blessi minningu László Czenek,“ segir á vefnum og er ljóð látið fylgja dánarfregninni:

Er sárasta sorg okkur mætir 

og söknuður huga vorn grætir

þá líður sem leiftur úr skýjum

ljósgeisli af minningum hlýjum

(HJH)

Rangárþing ytra Rangárþing eystra Andlát Tónlist Skóla - og menntamál Faraldur kórónuveiru (COVID-19) Ungverjaland
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið