Lífið

James Franco gerði dóms­átt í á­reitnis­máli

Sylvía Hall skrifar
James Franco.
James Franco. Getty/taylor hill

Máli þar sem leikarinn James Franco var sakaður um kynferðislega áreitni hefur verið lokið með dómsátt. Tveir leiklistarnemendur höfðuðu málið gegn leikaranum en hann neitaði ávallt sök.

Nemendurnir, þær Sarah Tither-Kaplan og Toni Gaal, stunduðu nám við leiklistarskól í Los Angeles, Studio 4, sem James Franco stofnaði árið 2014 en er nú hættur starfsemi. Sökuðu þær leikarann um óviðeigandi og kynferðislega hegðun í sinn garð.

Konurnar sögðu hann hafa reynt að fá útrás fyrir kynferðislegar þarfir sínar í nafni menntunar með því að lofa þeim hlutverkum í kvikmyndum. Hann hafi misnotað aðstöðu sína með því að fá þær til þess að leika í kynlífssenum með fögur fyrirheit um hlutverk í næstu stórmyndum.

Efni sáttarinnar hefur ekki verið gert opinbert og því ekki vitað hvaða skilyrðum hún er bundin. Samkomulagið nær þó einnig til framleiðslufyrirtækis Franco, Rabbit Bandini, og tveggja viðskiptafélaga hans samkvæmt frétt breska ríkisútvarpsins.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.