Golf

„Fer út þegar ég er til­búin líkam­lega og and­lega“

Anton Ingi Leifsson skrifar
Ólafía var hin kátasta í dag er hún ræddi við Ríkharð Óskar Guðnason.
Ólafía var hin kátasta í dag er hún ræddi við Ríkharð Óskar Guðnason. vísir/sportpakkinn

Ólafía Þórunn Kristinsdóttir, atvinnukylfingur, er barnshafandi og mun því ekki leika á neinum af stóru mótunum erlendis næsta árið. Hún er eðlilega spennt fyrir nýju hlutverki.

Ólafía tilkynnti í gær að hún ætti von á barni í sumar með kærasta sínum, Thomas Bojanowski. Ólafía greindi frá tíðindunum á Instagram og skrifaði: „Hálfnuð! Við eigum von á barni í sumar. Mikil ást og spenningur.“

„Sumir í COVID keyptu sér hunda og ketti, aðrir bjuggu til börn,“ sagði Ólafía í kvöldfréttum Stöðvar 2. Hún fer aftur út til Bandaríkjanna þegar hún er tilbúin að nýju eftir barnsburð.

„Maður getur aldrei sagt neitt en auðvitað bara þegar ég er tilbúin líkamlega og andlega, þá fer ég til Ameríku og held áfram með markmiðin sem ég var með þar.“

„Ég get tekið þetta ár í pásu og svo hefurðu tvö ár eftir að barnið er fætt. Þetta hefur lítil áhrif á það. Þú færð frelsi til þess að velja hvenær þú vilt koma aftur.“

En hvernig verður þetta ár hjá Ólafíu golflega séð?

„Ég er að kenna í básum og verð að gera það fram að júlí. Sjálf verð ég að spila eins lengi og ég get,“ sagði Ólafía brosandi.

Ólafía er fyrsti Íslendingurinn sem komst á LPGA-mótaröðina í golfi. Hún keppti á 26 mótum á LPGA og besti árangur hennar var 4. sæti á Indy Women in Tech Championship. Ólafía hefur keppt á sjö risamótum á ferlinum og hefur hæst komist í 172. sæti heimslistans í golfi.

Hún hefur þrisvar sinnum orðið Íslandsmeistari og varð Evrópumeistari í golfi í blandaðri liðakeppni ásamt Valdísi Þóru Jónsdóttur, Birgi Leifi Hafþórssyni og Axel Bóassyni 2018.

Ólafía var valin Íþróttamaður ársins af Samtökum íþróttafréttamanna 2017.

Klippa: Sportpakkinn - Ólafía Þórunn

Tengdar fréttir

Ólafía Þórunn barnshafandi

Ólafía Þórunn Kristinsdóttir atvinnukylfingur á von á barni í sumar með kærasta sínum, Thomas Bojanowski.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.